بعيدة والوطن فـــي داخلـي لهفــة حنين اعماق
يعيش بوسط وجدانـــي وكنّـي فالوطن موجود
معي كنّـــه تميمــــة حب اعلقهــا وله واشراق
أبد ما عـانقت روح المغيب وصمتــه المعهود
كتبت يا وطـــن قصــة جديــدة وسالفـة عشاق
ورسمتك في خيالي نور يضويني بدون حدود
بعيدة بس بعـــدي قرب ينسجني خيوط أشواق
ويغزلني على مغــزل ترابـــــه ركعةٍ وسجود
آيا محراب هذا الحب ليش الشـوق بـــي توّاق
دخـيـــل الله جاوبنــي وقلّي ليــه أحبه بزود؟؟
وطن عمري/قصيدي/لهفتي/وإلا سفر مشتاق؟
يسافــر بالدروب ويـــرتجي إنــه فـ يوم يعود
سألتك بس أنــا ادري الإجابــة تنلبس أطـواق
تطوقنــي ورودٍ للوطـــن فـــي يومه المشهود
أبارك له عساه بكـــل سنــة يسكــن فِهالأحداق
وعساني عالوفا باقـــي ولا أنقض أبـد العهود
فاطمة الكعبي
|
