بذمتك ؟!
محفوظ الفارسي
"1"
بذمتك ؟!
يالك سمعت
جروح من بحر وقمر
صدقني ما غير الصدق
قلته ويمكن مختصر
يا بايع جروحي تعال
الليل توه ما بدا
والصبح توه ما غسل
شعرك بها الصبح الحلال
ذبحتني وقلنا تمون
جرحتني وقلنا يهون
وطعنتني وما سال دم
إلا غلاك من الطعون
يا باشة الدنيا ابيك
إنك تصدق ما ابيك
ويش عاد باقي نكذبه
أو نكتبه أو نصدقه
فاللي مضى واللي حصل
واللي انكسر فيني وفيك
"2"
مريت فيني أمس
وتساقطت مني ثلاث قلوب
خليني أعدها
واحد
إثنين
ثلاثة
لا وربك هي ثلاث قلوب
يا سيدة عمري القصير
يفداك عمر ما بقى فيه
الكثير
وتفداك نفس ما تنام إلا
برضاك
وتفداك روحٍ من خلق رب
البشر فيها الحياة
كثر البشر فيها غلاك.
|
