طفلة أحلامي
أرتـبكـتي يـوم عـينـي صـادفـت فـجأه عيونك
والـحقـيقـه هـو كـيانـي مـرتـبك وأربـك كيانك!!
أرتــبكـت وكـل مـا فـينـي أصـروا يـسألـونـك
هــو زمــانـك غـيرك ولا أنـتي غـيرتـي زمـانـك
قــلت مــازن هــاذ هـيه ولا ذاكـرتـك تـخونـك
رح تـأكـد مـن شـعورك جـايـز الأحـساس خانك
روح ألـقي عـن كـثب نـظره تـأكـدلـك ظـنونك
تـقتـل شـكوكـك وتـكسـب أنـت بـالأحرى رهانك
أقـتربت وشفت خط الفجر مشرق من جفونك
كــن خــط الـفجـر واقـف يـنتـظر يـسمـع أذانـك
أقـتربـت وشـفت لـيل" أسـود" حالك يصونك
فـوق شـفتـك الـيمـين وتـحت خـدك شـفت زانك
شـامـتك الـلي مـحالـه تلاقـي لون" غير لونك
عـايـشه فصحرا وجهك وأنتي طفله بمرجحانك
آتــذكــر تــلعــبي وأطــفال حــارتــنا يـجونـك
وأحــترق/فـي داخـلي غـيره/وودي أحـتضـانـك
عـن يـشوفك كل طفل وأبقى أبقى في عيونك
مـعجـبك ثـم شـاعـرك ثـم فـارسك فدوه عشانك
كـونـك الـطفـله فلانـه شي عادي!! بس كونك
طـفلة أحلامـي أنـا يـعنـي أرتـفعـتي وزاد شآنك
الــغرور بــسبــتك لــما أحــاســيسـي يـبونـك
أنـتي عـظمـتي أحـاسـيسـي بـشكـرك وأمـتنانك
مـن عـرفـتك والـسكون بداخلي عزز سكونك
فـي مـكانـي إنـزرعـت وأنـزرعـتي فـي مـكانـك
أنـتي أنـتي مـا كـبرتي لكن أخضرت غصونك
زعـفرانـك مـن يـشبـه!! مـن يـشبـه زعفرانك!!
آخ لـو حـلم الـعشـيق يـحقـقه فـي يـوم كونك
كـان حـلمي بس أسمع أحرف أسمي من لسانك
مـا مـهم أنـجن مـثلـك (المهم) أعشق جنونك
مـا مـهم آصـير أعـمى (الـمهـم) شـوفة جـنانك
شاعر وجايز أبالغ أدري أدري بس ع هونك
هاك قلبي وشوفي قلبي كيف ينبض به حنانك!!
بـاقـيه كـلمـه على شفاهي وأبهمسها فأذونك
طــالــبك أم لــعيــالـي ووافـقي تـكفـي عـشانـك
