سيد العالم المعدوم
طـيور تـهاجـر بـعيـني وعـينـي ما كساها النوم
م بـين الـحلـم وايـامـي تـبادت رحـلة الازمان
سـريـنا فـوق جـنح الـطيـر تغربنا وتعبنا الحوم
مـن اول جـملة رجـعنـا بـداية قـصة الحرمان
بــنيــنا لــلحــزن فـينـا مـدايـن والـسفـينة تـعوم
زرعنا للوفا ارض نبت شوك وتعب واشجان
تـعودنـا عـلى جـرح الـزمـان الـلي كـستـه غيوم
عـلى لـيل بـدا يـهرب ويـشدو اعـذب الالحان
اجي للناس والغربه واعاتب شخصي المحروم
والاقـي شي يبعثرني على طول المدى الوان
احــس انــي غـريـب شـعور سـيد عـالـم مـعدوم
وسـط هذي الاماني الضايعه يقذفني البركان
ذرتـني الـريح في برد المساء وتحتضني نجوم
ذبـل عـمر الـسنـين الـمورقه فيني وانا هتان
بـديـت اضـعف ولا به من يواسيني وانا ملزوم
ادور فـهالـحيـاه انـسان ادور لي على عنوان
