مااعرفك بس اعشقك
ياكثر مااتخيلك
بين جفوني اتصورك
اتصورك ضحكه واماني
اتصورك همسه...
اتصورك في كل الاغاني
رسمتك ألف مره..
وكل مره أعيد أرسمك من ثاني
ياكثر ماأتخيلك...
مااعرفك بس اعشقك
رسمتك بعيوب وميزات
كتبتك شعر قريتك حكايات
تخيلتك شقرا..سمرا..
رسمتك بكل اللغات
رسمتك شلال تغازله الصخور
يبوس الارض ويرجع من ثاني يثور
رسمتك طيف وزهور
خوف ومطر...
عطر وسفر..
تخيلتك كل الفصول
قمة اثاره ولحظة سكون
وله الشوق دفى النيران قصيدة الجنون
تخيلتك شي يكون وشي لا يكون
حارت فيني الظنون
وكل هذا لاني...
مااعرفك بس اعشقك
تقربي مني لين تكوني اقرب مني للوريد
وتبعدي ابعد من كلمة بعيد قاطع
يااوضح من شمس تقيد
وفي غموضك كل شي مجهول ضايع
بلحظه..تكوني اضعف من طفل وليد
وأقسى من أنين المواجع
ياالحلم الي حلمته يالفجر الي نطرته عديد
يالبدايات يالنهايات يالمجهول يالواقع
احس بحنانك وتخبية غرامك مامليتي من الكبر العنيد
يانفسي ياضدي ياعشقي ياكرهي يافرحي ياملح المدامع
تخيلتك مثل ماانتي.. وتخيلتك عكس ماانتي
ياكثر ماتخيلك
ماعرفك بس اعشقك
|
