إن لمحت النور
 
ان لـمحت النور دعْ ماهو تجّلى في طلوعه      يـفتـن الـجهـمه اذا شارف بها ومض إلتماعه

لاح قرن الشمس لا منه دنا ينشر سطوعه      ابـعيـون الـشمس يشعلها من إسهابة شعاعه

والرياح اللي تدحرج هالصَبا وتصّب فوعه      فـي رضـاب الـمجد من يوم الصَبا مر اليفاعه

يـستـطير اهبوبها للقاف .. إذ تدلج جذوعه      و يـا مـهب ٍ مـا اسـتطار إلا على هامة قلاعه

قـايـد ٍ قـيدوم يـاالمقدام .. قرم ٍ في فروعه      مـن سلاطـين الـفخـر والـجود بـحر ٍ بإتساعه

وبـله الـهّتان يا ذا الغيم يحشد من جموعه      مدري هذا البحر وإلا الوبل يحكي عن طباعه

لـين ياخذ من علوم النجم والورقا القطوعه      فـي دراري نـجومـها .. لـو مـد للفرقد ذراعه

مـا طرق إلا الجدي لامن تهادى في ربوعه      لــيلــتن قـمرا .. وسـعد سـعودهـا يالله راعـه

فـي غداة الفجر ما غير السنا يزها بطلوعه      اشـهد انـه سـيدي قـابوس هو رمز الشجاعه