انتي شعلتي الود في قبلي وطفيته
من بعد نازف قلبي ومن زاد اللتهابه
انتي ملكتي القلب وانتي اللي سكنتيه
وانتي دليل القلب واتعرفي صوابه
بيدك كتبتي الحب وبيدك مسحتيه
وانتي السبب في حزن قلبي واكتابه
الله حسيبك كيف هالعاشق ظلمتيه ؟
كيف يقاسى الموت وتزيدي عذابه ؟
انتي وضعتي الود في قلبي وأخذ تيه
عقلي تعلق فيه وقلبي ما هنابه
انتي تحسبي الظلم لي فيني رضيتيه
يسكن ظمير العاشق ويريح شبابه
لا..لا.. ياليلى هذا حذرك تظنيه
انتي مزحتي السم في كاسي وشرابه
أول سلبتي القلب وبحبك غمرتيه
ويا ما شربنا الشهد من تينه وعنابه
ويا ما سهرنا الليل وانتعشنا لياليه
واليوم زاد الهجر ما عرفنا سبابه
أول زرعتي الحب في جوفي وغرستيه
تسقيه من عطفك هما ليل السحابه
ها فت بساتينه ومن زينك سقيتيه
ترويه فيض الود وبالتالي حيابه
والحين ليلى كيف كل هذا وقتلتيه ؟
بشرب هموم الهجر من مر الصبابه
|
