بـكى الـليـل وغيوم المفارق تجر الصوت

وسـلمى تـعاتـبنـي على المنبع الصافي

وضحك النهار أشوف في مهجتي تابوت

تـردت بـي رمـاح الـزمـن والعمر طافي

ذهــبت أتـجول وأنـا أفـكر فـريـم مـحوت

ولفيت الهموم وأضرب الكف بأحسافي

عــدالة زمــانـي حـطنـي لـلجـفا مـنعـوت

وظـلمـه ظـلمـني لـين بـيحـت بـالـخافي

لـبسـت الـمراجل ثوب غترة وفا وبشوت

ونــاظــرت لــنجـوم الـثريـا وأنـا وافـي

ودعــيت الـفرايـد ولـبتـني وجـبت بـيوت

وطـرزتـها بـأغـلى الـجواهر فالأغلافي

جـروحـي تنادني تراني مشرفه ع الموت

وأنـا قـول صـبرآ عـساه يجيك لنصافي

إذا كـان مـوج الغدر ما ضر جسم الحوت

تـراني من أمواج الهجر شايف أخلافي

تـرا الـشبـر غـير الباع والباع غير الفوت

وأنـا وقـتي الـجاسـي مـسافه متنشافي

أنـا مـن كـثر هـمي إذا ذقـت شرب التوت

أذوقـه كـما الـحنـظل والـحنـظل يـعافي

طـعنـي زمـان الـوصل في معركة جالوت

وطــيف الـحبـيب راح يـا الله يـا كـافـي