كـتمت الدمع في عيني كتمت وناحت الاحزان
كـتمـت وصـاحـت العبره حياتي لاتعنيني
كـتمـت الآه فـي قلبي وعذب قلبي الكتمان
وقـف نبضي بكى همي جروح الحال ترثيني
يـاهـمي آه يـاويلي (ف)بحر الآه انا غرقان
غـريـق ومـالقيت اللي يحط ايديه بيديني
صـدمت بصخرة الواقع تحطم مركب النسيان
تـكسـر جّرح ضـلوعي شظايا تقتل سنيني
رسمت البسمه بشفاتي وعيني ترسم الأحزان
الـم واخـفي معاناتي ويبان الهم في عيني
تـحطـم كـل مـافيني تبعثر داخل الواجدان
الآ يـاشـينـها دنـيا تـجمع حزنها فيني
ومـاتـت كل طموحاتي وباقي هالامل عطشان
امل يرجيك في بعدك تحن ارجوك(وت)جيني
تـعال ارجـوك يـاحـبي ابيك تشّيع الجثمان
تـعال والـكفـن بـيِدك ابـيك انت تغطيني
تـعال احـفر قـبري حياتي واعشقي النسيان
انـا مـابـي بـعد موتي تفكر بي وتبكيني
عـساك السعد في دربك وتجهل دربك الاحزان
وانـا بـقفـي عن الدنيا دفى قبري يكفيني
