الريــــــــــــــــح الحزيـــــــنة
قـبل لا أرحـل بـخونـك سـامـحيـني يـا مـدينه
واعـذريـني بـدفـنه قـلبي ف أرضك اعذريني
عـزّلـه حـفنة تـرابـك عـن جسد وخزّه حنينه
كـثر مـا زحـزح كيانه ولا تزحزح عن سنيني
عـشعـشت لـحظة فـراقك بين ضلعيني رهينه
يـوم لـوّحـتي يـديـنك واظـهرت فـي حاجبيني
صـورتـك تـغرب على عالم هيامي مع سنينه
مـن وانـا طـفلٍ صـغيـرٍ مـاعـرف إلا عـطيـني
كـان بـتهـوفـن ف عـينـك يـوم يـعزفـلك أنينه
كــان يـهذي سـانـدريلا أبـيك انـتي ف عـينـي
كــان يـرسـم مـيم ومـيمٍ ثـانـيه مـيمٍ سـجيـنه
وهو يفسر قال:فسجون الهوى انتي سجيني
وكـان عاجز عن يفسر رسمتك رسمة سفينه
لا شـراع بـها الـسفـينة فسّري لي وفهّميني؟
ويـن تـاخـذنـا سـفيـنة لغزها (ريحٍ حزينه)؟!
اهـمسـتلـي فـي سـكاتٍ: بـسّ نـكبر يا حنيني
بــالــفعـل حـنّا كـبرنـا وفـي يـديـنا يـاسـميـنه
خـذتـها غـصب بـيساري وازعلت منّي يميني
لـين مـاتـت فـوق قـبر الأمـنيـات الـمسـتهينه
الأمــانــي والــرجــاوي كــلّهـا عـيّت تـجيـني
يـوم قـالـوا (الـنّسـب) يلعن أبو طاري الغبينه
حـطّ شـوكـه وسـط دربـي وقال يالله اعتليني
اعـتلـيتـه فـي خـطايـه واعـتلى دمـي جـبيـنه
بـعدهـا اشـفق عـليّه وثـار يـمسـحلـي جبيني
مـا درى انّه جـبيـني يـحتـضر هـو فـي يدينه
يـطلـبك ثـأره..دفـينـك مـات فـينـي مـات فيني
مـوتـته موتت( قطا) ضحّى بصدره لي بنينه
وذنــبهـم انـهم كـلوا صـدر نـادى انـهشـينـي
ذاك ذنـبي يـوم شـلت الـقلـب من عقد الثمينه
مـا رضى يـرجـع مـحلّه عـايـشٍ بـيني وبيني
مـن تـوادعـنا وغيابك ما عرف طعم السكينه
اسـألـي كـم الـنجـوم الـلي بكت هي من أنيني
واسـألـي هـذا الـزهـر الـلي تـعودتـي تـجيـنه
لـيه ذابـل؟! بـس لـنّه ارتـوى مـن دمع عيني
اسألي هذا العقيق اللي احمراره غاب وينه؟!
ذاب فـي صـبع المشاعر يسألك وينك و ويني
اسـألـي حـتّى الـسؤال الـلي تـعبـتي تـسألـينه
وجـاوبـك نفسه جوابك: لو سمحتي جاوبيني
مـا بـقى إلا جـوابـك وخـانـته حروف المدينه
يــامـديـنه هـاك قـلبـي .. كـفّنـينـي وادفـنيـني
