وعلمني الزمن

وهـي ليلة مطر يرعد شتاها وويحضنه لسحاااب      يـرق الـعظـم مـن بـرد الـثواني وعمرها يسري

من انت؟ اللي طرق بابي بآخر موعده وش جاب      انـا جـرح رجـع لـك كـان تـذكـرنـي ولك عذري

حـبيـبي والـبروق اضلال دمعي والنجوم اقراب !      لـك الله الـعمـر مـن دونـك مـسافة حـظ ماتغري

وش الـلي رجـع الـدنـيا وجـابـت علمها للباااااب؟      انـا ضـني الـسنـين الـمثـخنة بـالـطعـن مـاتبري

انـا جـيتـك مـن الـدار الـغريـبة لاهلها اغراااااب!!      تـعب كـتفـي مـن امـفارق كـفوفـك يابعد عمري

تـقولـيهـا وانـا الـجدران اسـمعها تخر تراااااااب!      مـن الـلي عـطر كـفوفـه امـانـي وكـنت ماتدري

نـسيـتي كـنت انـا اسـرج لـمصـباح الفجر اسراب      تــنادي لــين خــرت ركـبهـا وشـراعـها يـجري

بـكيـتك لـين صـار الـشارع الـعيـني سـما واهداب      وضـلعـي نـاي يـسكب لك شقاي ويغرفه حبري

بـعد مـاراح مـن عـمري الـزمان وشابت الاطنااب      بـعد مـا انـا طويت كتاب عمري وش بعد تقري

مـحال الـظن يـا انـتي يـداس ومـعتلي مرقاااب !!      خـذيـني نـصفـي الـميـت اذا لك حاجة في كثري

نـفضـتك من جسد انقى من انه عاش بك اعجاب!      نـخلـت الـعمر ليتك طحت من همي ومن وكري

وش الـداعـي نجي والعمر اقرب مانسى اصحاب      وعــلمــني الـزمـن ان الـمفـارق وارد ويـطري

تـدن الـريح لو تصدق حكت لك خافقي المنساااب      جـرى لـك كـل مـافـي خـاطري لو مانفع صبري

مـطر والـبحـر والـرحـلة رهينة صوتها الاخشاب      تــبلـل لـيتـها تـغسـل ذنـوب تـشهـق بـسطـري

اسـامـح؟ اه لـو بـيدي وهـي من قلها الاسباااااب      بـروق اتـرف في جيدك حجاب الستر من شري

بـدى كـل قـطرهْ من غيث السنين اتشفعك ياعتاب      تـخالـط دمـعنـا بـلون الـمطـر واجتاح لك نهري

كـذا احـيان يـا انـتي يـصيـر الـجرح لك مرتاااااب      يسامح صدري الطاهر لو ان النزف في ظهري

و انــا الـمحـتاج لـغيـومـي اذا مـاجـدبـو الاحـباب      هـطل صـفحـي ولـبسـتك ثـيابـي وقلتها عري!!

امـانة لا رجـع نـاسـي ابـي تـهطـل رجا واعشاب      عـسانـي بـس اذا اذكـر مـطر اهـدابه في سري

وهـي لـيلة مـزن يـحلـب صـفى هـتانـها لسحاااب      يـشيـخ الـعظـم فـي جـلد الثواني والعمر بدري!