ياناقشة   الحناء  على  كف  يمناك      هذي   عيوني  دومها  تلمح  كفوفك  
  لو  ما غلاتك صدق اني ابنساك        ودايم  أناظر  في  غيابك  طيوفك  
عز الله اني وين مارحت بذكراك        ودي  بوصفك  وكيف أبدأ وصوفك
قلت  أبحسب  في  خيالي مزاياك      وخفت  أنا  أنسى  ميزة  قبل أشوفك
هذا  الحلا  كله  في عينك وحناك      ومن  شاف  حسنك  ينسى انه يعوفك
أشتاق  واسأل  عليك  من تحراك      رحتي وتركتي داخلي أجمل حروفك
اسمك    ورسمك  وباقي  خفاياك      يحتار    فيهن  شاعر  ساعة  يشوفك
المعذرة..  أبطلبك طلبة واترجاك      ودي  بشوفك  كان  سمحت  ظروفك