قـــصــيـــدة خـــجـــولـــة

ان الهدايا على مقدار مهديها ..
وبعد ,,,حبيبي

عــندي قــصيــدة تــونــي قــلتـها فـيك      أقــدر أســميـها قـصيـدة خـجولة

مــو مــن مــقامـك لـكن وراس غـالـيك      تـسوى الـذي كـنت بسنيني أقوله

فـــيهـــا أوصّل لـــك تــحية مــحبــيك:      دمـي ولـحمـي والـعظـام الـنحوله

فـضيـلتـك .. يـا حـضرتـك .. يـا معاليك      يـالـغيـم .. يـالـقطر النديّ بهطوله

يـالـشمس / يا همس المسا / يالشبابيك      يالعند / يا طيش الصبا / يالطفوله

ودّي ألــمّك ..وأح(ضــن)ك مـا أخـليـك      لـين الـمسـا يـعلـن نـهاية حـلولـه

يــالــيتــني يــمّك , مــعك , لا حـوالـيك      مـا تـبعـدك بـعض القلوب العذوله

لا تقول أجامل .. طيب .. شلون أوريك      أن الــشعــر يــمّك تـغيّر مـيولـه!!

حــتى الــقصــيدة الـلي أنـا قـلتـها فـيك      مـن هيبتك صارت قصيدة خجولة