لا على بالك

لا عـــلى بـــالـــك ولا بــالــك عــليّ      مــير أنــا بــالـي مـعذبـني عـليـك

إنـت مـا لـلشـوق فـي عـينـيك ضـيّ      وآنــا كــلّّي لــك أحـاسـيسٍ تـبيـك

ودّي أروي قــلبــي الــعطـشان ريّ      ديــمةٍ رشــاتــها مــن مــقلــتيـك

أشـــعر إنّي كــلمــا آنــاظــرك حــيّ      والـحيـاه عـندي مـشاهـد ناظريك

تـبتـسم.. فـينـي سـماك يـطيـح مـيّ      تـورق أغـصان الأمـاني في يديك

الــعصــي لا مــا أقــول إنّه عــصيّ      دام تـسجـنك الـضلـوع وتـحتويك

ألــوي ذراع الــحزن لــي جــاك لـيّ      وأزرع الـبسـمه زهـور بـشفـتيـك

ي الـعيـون إلّي حـضنـك الرمش فيّ      يـرتـجف عـود الوله فيني وأجيك

ها حبيبي!! وش علامك؟ فيك شيّ؟      وآتــعذّر بـأي شـي لأجـل الـتقـيك

لا طـرقـني الـضيق بعدك رحت جيّ      من غلاك أجرح ظلام الضيق بيك

شــوف عــينــي حــطّ يـدّيـك بـيديّ      وإسـمع إلّي لـو تـبيـعه يـشتـريك

جـايـز أنـت ف غـيبـتي تـولـه عـليّ      بـس أنـا وإنـته مـعي أولـه عـليك