حــلم وذاكـرة

يــا حــبيــبة هــالـحطـااام وذاكـرة حـلم الـسنـين      أشـــبكـــي كــفك بــكفــي .. شــاعــرك وده يــنام

حطي راسك فوق صدري وأسمعي نزف الحنين      وأنـــثري شـــعرك عــلى أول رصــيف ٍ لــلغــرام

صـرت أغـمض جـفن لـيلـي .. وأنتظر أنك تجين      وادري أن الــحلــم وهــم ..ومـا يـجاوز هـالـظلام

وأدري أنــك مــن رحــلتــي والألـم فـينـي دفـين      وادري أنـي لـو نـطقـتك .. يـخنـق الـصمت الكلام

وادري أنـك درب مـوحـش كـل خـطواتـه أنييين      وأنـك أدمى حـرب تـعصـف عـالـمي بـلحظة سلام

وأدري أنـي مـن ضـياااعـي أكـرهـك حـد الـيقين      واعــشقـك حـد الـجنـون ... وأنـزفـك حـد الـهيـام

بـس مـدري كـيف انـسى .. وانتي فيني تسكنين      جــاوبــينــي أو دخـيلـك... جـاوبـي هـالإنـفصـااام

حـارة الـطيـن الـقديـمة ... سـكة الـحلـم الـحزين      صــورتــك / والـدمـع يـقراهـا عـلى خـدي ملاااام

حـلمـنا الـلي عـشت لجله وصار بأدراجي سجين      وجـسمـي الـلي مـا غـدى يقوى على حمل العظام

حـاصـرونـي فـي غيابك يسألوني .. بترجعين ؟؟      وصاروا يقرون الإجابة تسكن بإسمي .. حطااااام