قربان الغياب

لـو يـموت الليل .. لو يبقى الصباح      هـي مـجرد ( لـو ) تـمر حلم الفقير

يـعنـي كـل الـناس تذنب .. والمباح      إن يخط الصبح في وجهي الحصير

مـات .. لا مـا مـات فيني واستراح      إلا هــذا الـوهْم مـن يـومـي صـغيـر

ويـن مـا يـممـت .. صلّت ه الجراح      فـوق ظـهري ركـعة الـذنـب الأخـير

يــــا بلاده : قـــيّديـــني بْلا ســـراح      واصـلبـينـي شـمْس بعيون الضرير

وش يـفيـد الـنور والـعتمة .. جناح      انــكســر لــجل الأمــانـي مـا تـطيـر

يـا ضـحكـتي : مـا حـرقـتك لـلمزاح      لـكن الـدخـان .. يـخفـي لـي الـكثير

كم رسمت القرش في كفي وراح !      كـم نفاني العمْر لردوني القصير !!

كـم وكـم ذابـت صـرختي ف الرياح      واشــتكــت آذان جــدرانـي الـزجـير

راحـــل وْلــكن أمــانة ي الــصبــاح      لـو تـصحي (لو) من أحْضان الفقير