تاهت نجوم الليالي واختفت بين السحاب
والقمرحاير يفكّر : منهوْ غيرك يخلفه ؟
،
من يحرر هـ المدينة من دياجر واكتآب
من طلاسم حب قديمة تحتويها تكلفة
،
قشعريرة هـ المواني حالها دوم اضطراب
كم مسافر في عيونك و المكاحل تجرفه !!
،
اسأل الأيام عنك ، عن حكاوي الانتداب
" كيف كنتي يا غلاهم للعواذل منسفه "
،
تنحني كل المداين تنضوي لك احتساب
"صدقيني يــ المشاعر ، ما هيْ قصة فلسفه "
،
ظلمةٍ هذي المدارس في حياة الاغتراب
بس طريقي صوب قلبك أي وسيلة تعرفه
،
يبتدي يومي الدراسي لمَّ افتح هـ الكتاب
ابحث فـ كلمة "أحبك" ما تهمني المعرفه
،
لي أجا يوم امتحاني يبتعد عني الجواب
ما ذكرت إلا حروف (ن) من قصيدي مألفه
،
وش أصلها هالدفاتر دونها حروفك خراب
" تنثبر مليون مرّة دامك أنتي المشرفه "
،
بالفصيح اللي ثكلني اصرخ بْها ، ما اهاب
" ربما في ذات يومٍ يعبـــــــدوكِ الأسقفه "
،
دامني عايش " أحبّك" بالجنون وبالعتاب
ارسمي سكة حياتي لو تبيها مقرفه
