بـعثـره جـيتـك..ظـروفـي والـمشـاعـر بعثره
يـعشـقك بـعضي وجالك كل بعضي لك شتات
لــملــميــني يــا جــزيــل الـحظ بـيك ومـكثـره
لــو غــديـتي فـي شـتاتـي تـعشـقيـن الـلمـلمـات
إبـحثـي عـن درب فـينـي وإسـتخـيري أقصره
خـايـفٍ لـحظة وصـولـك مـبطـيه والفوت فات
يـا مـزون الـودّ يـا روح الـصحـاري الـمقـفره
مــجدبـه هـالأرض قـبلـك مـا نـما فـيهـا نـبات
يــا هلابــك يـا سـحابـه لا ضـويـتي مـمطـره
إطـعنـي قـسوة ضـمأ أرضٍ يـحيط بها الممات
إفـرشـي صـيفـي ربـيع ..والـيبـاس بـأخضره
وإنـعشـي صـلف الـقفـاف وإبـعثي طفل الحياة
وإسـبحـي ريـح إتـراقـص لـك غصونٍ مثمره
وإعـزفـي مـاعـاد يـطرب يـابـس الـعود الثبات
عـلمـينـي كـيف أعـاف الـليـل نـوم.. وأسهره
فـي حـديـث الـودّ ..وأشـواقـي أغاني وأمسيات
وكـيف اكـون الـشاعر الّي عاف ضلمة دفتره
يـمتـطي صـهوة غـرامه في طريق المعجزات
وكيف أكون أصدق عباره في زمان الثرثره
مــا ألــبّس خــالــي الإحـساس بـحروفـي عـباة
وكـيف أرفـض فـي حياتي زيف مقدار شعره
وكيف أعرف إن الأماني غير معنى الأمنيات
جــيت لــك طــفل إتـناثـر مـن حـوالـيه الـذره
مـا عـرف مـن ويـن يـبدا لـين غـافـله الـسبـات
لــملــميــني يــا جــزيـل الـحظ فـيك ومـأكـبره
لــو غــديـتي فـي شـتاتـي تـعشـقي لـم الـشتـات
