 |
قسم شعبي متنوع
صبح |
|---|
صبح
الـليـل شـق الـصبح وتنفس أموات وانا أرتّل مصحف غيابك جروح
مرّة أهز الشوق.. تتساقط أصوات تـعزف تـراتـيلي مواويل وتروح
يا (صبح).... تكفي
ما بقى بالعين وقت......
اشتقت لك
كل ما مـــر الغياب
بمدمعي شفتك وفقت.....
أتخيلك
أتلمّس الذكرى ملامح من صوَر
وأنادي أشباهك تجي
يمكن تسولف للسهر
عن وحدتي
وأنا ألملم دمعتي
وأشعل من
رموشي نــــ(هـ)ـــــار.. لوحدتي
وأنتي معي حلم وسهر في مدمعي
وأنسى كذا ليله سهرت ..؟؟!!
افصّل اشباهك ثياب تلفني
وابلل تراب السهر وانتي معاي
بصورتك واروي ظماااااي
وينك ..؟
هذا الوطن في داخلي محتاج لك
ينهش هنا يسأل عليك
يعلّم الدمع الكلام بغيبتك
يفرش عروقه في شوارع حضرتك
ويرتل أجزاء الغياب:
صاد
باء
حاء
يالله مريني حقيقة من وهم!!
خلّي أنظاااري تشووف
داخلي مليون ضيقة،
تخنق الصدر وتطوووف
وينك..؟
ملّت عيوني الانتظار
ومليت أشعل هالسفر،
وروحك الخرساء على جدااري تشوف..
يا صبح مرّيني مراكب من سهر
تستوطن اشواقي جيااااع
وأنتي هناك..
الى متى..؟؟!
عطشان أشرب صورتك
واسدل تضاريسي عليك
وينك...؟
الـليـل مـر وبـاقـي الـجرح ميّت مرمي على قبور الوجع ينتظر (صبح)
ويصب فنجان الأرق لين ملّت.. عـين السهر تمسح جفا صورة الصبح
|
|
|
| | |
