 |
قسم شعبي متنوع
النوارس |
|---|
النوارس
(إلى أولئك الذين رحلوا عنا ، كرحيل النوارس إلى الشواطئ الأكثر دفئا ، لم يبق لنا ، سوى هذا الحلم)
للنوارس ..
هالمدى الصافي البعيد ..
فارقتني وارحلت
واتركت لي ريشها ..
عالق بشوك الوريد
وكلما مرّت أقول :.
اعذريني .. يالنوارس
خانت عيوني الكلام ..
***
هاتي جنحانك اطير
ملّت اقدامي التراب
من بَعدنّي .. وأنا غير
حتى أحبابي .. غياب
ومرّت اسرابك .. بليلي
وآنا غافي .. بالحرير
وحطّت أسرابك بعيني
وخلت إني لك أطير
كانوا احبابي بصوتي
مثل أطفالي الصغار
شككوني .. بوجه موتي
وآنا .. ريشي فالقفار
***
آه يالساكن بخوفي ..
دثّر عظامي بجوفي ..
صارت الزرقة .. بعيني ..
ورجة المجداف .. شوفي ..
يا غيابك .. يا حبيبي
وآنا .. صمتي بالكلام
مثل أعمارٍ تسافر ..
من الرمال وللرمال ..
وآنا .. لفراشي أموت
مثل أواق الخريف ..
ما بقت له أي قيمة
حتى اغصاني الحميمة ..
فارقتني وأرحلت ..
***
طفّت الأمواج .. طيبي
بعثرتني .. هالسنين ..
مثل الواح السفينة
فوق أمواج الحنين
وكلما .. شفتك بروحي ..
سالت احزاني الدفينة ..
ورفرفت أغلى جروحي ..
وكلما مرّت .. أقول :.
اعذريني يالنوارس ؟؟
خانت عيوني الكلام ..
وانطفي بي كل شي ..
إلا شوفك في المنااااام
|
|
|
| | |
