هلا مليون
تـنفـس بـين ضـلعـينـي الـشعور الصادق الغلاب
وتـهاوت فـي دواويـني حـروف الـشعر ترويها
مــدام آمـنت أن الـديـن واحـد والـقلـوب أحـباب
عجزت أخفي مشاعر صادق الإحساس يسقيها
ومـدام الله فـتحـلي بـاب وخـلفـه مـنظـراً جـذاب
وش أعـذاري إذا تـسنـحلـي الـفرصة وأخـليـها
ولأنـي مـن بـلد قـابـوس عظيماً مسكنه الأهداب
وش أعـذاري إذا الـنخـوة دعـتنـي منتخي فيها
ولأنـي مـن عُمـان الـمجـد بلاداً نـورهـا مـاغاب
ولـتحـقيـق الـسلام الـشامـل تـكثـف مـساعـيهـا
نــعم هـذا أنـا شـامـخ عـمانـي وزاكـي الأنـساب
وأمـد جـسور مـن أرضـي لـبلاداً أخـوتـي فيها
وأسـطر فـي دبي حبي وأنا كلي ف دبي إعجاب
أغـــني حـــبهــا نــشوان والأشــعار أهــديــها
وإذا سـافـرت شـلّيـت الغلا عندي شرب وزهاب
ونـوّخـت بـمضـارب آل مـكتـوم مـرحـوا فـيهـا
رجـالاً لادعـا الـداعـي أصـابعهم مواضي حراب
وإذا ســلّوا الــيمــانــيات مــن يــقدر يـجاريـها
وإذا الـدنـيا تـصك الـباب يـفتـحولـك ثمان أبواب
وعـلى كـل بـاب حـاتـم لـلكـرم يـاسـعد نـاصيها
مـن أيـام الزمان الشظف أقاموا للضيوف أطناب
نـفوسـاً لـلتـواضـع سـاس . مـثل مـاراد باريها
سلالـه مـن سلالـه تـحدّروا مـن طاهر الأصلاب
وتـعلـوا عـالـي الـجوزا ونـاخـوا فـي أعـالـيهـا
وإذا رادو ورود الــعد مــثل مـا يـورده الـعقـاب
وإذا ذادوا عـن الـمورد حـرام الـخصـم يـاطيها
سلام الله لــدار الــحي سلامـاً مـا غـشاه حـجاب
أحــس الــقلـب يـتنـومـس إذا لـي مـر طـاريـها
وإذا وجـهت لـسطـرلاب أراهـا نـجم لـسطـرلاب
مـــدايــنهــا بــراريــها مــآذنــها شــواطــيهــا
بلادي الــثانــية بــعد الـبلـد لـي سـاكـنه الألـباب
عـسى الله يـحفـظ الـثنـتيـن والـحكـام يـحمـيهـا
ســـقاك الله يـــا ديــرة دبــي مــن وابلاً ســكاب
بــغيــث تــرابــها ويــعم فــي أربــع نـواحـيهـا
يـنبـت ف الـفيـافـي زهـرها يزين سهل وهضاب
وبــساط الـقيـحوان يـلحّف الـديـرة وأراضـيهـا
ويــينــع فــي خــمايــلهـا ثـمار الـتيـن والـعنـاب
شـرب مـن مـورداً طـاهـر نـهوراً شـهد آسيها
أجــل هــذي حــقيـقتـنا لـكم كـل الـقلـوب أبـواب
وعـلى نـهج الـسلـف سار الخلف ماغيروا فيها
رعـا الله مـن لـجل مـد الـتواصل قاهرين صعاب
ولاة الأمـــر قــادتــنا رمــوزا نــفتــخر فــيهــا
رجــالاً لــبســونــا مــن ثــياب الــطايلات ثــياب
وهـادو جـاريـات الـسفـن تـرسـوا في مراسيها
تـربـي الأمـن مـن مـدة يـديـهم وأثـمر إسـتتباب
وتـرعـرع فـي ربى الأوطان وأينع في نواحيها
غلاهـم صـدقـونـي وسـط أقواس الصدر لحداب
ومــكانــتهــم عـلى كـل الـبشـر واجـب نـبديـها
ولـقانـا الـيوم هـاذ أكـبر دلـيل وأوضح الأسباب
عـسى الله للأبـد تـبقى الـموارد فـي سـواقـيهـا
وأنـا خـبر الـتأهـل مـن سمعته في صدر لخطاب
قـصدت أيـنع مـثامـير الـقصـيد وقـمت أجـنيـها
لأنــي شــاعــراً لا طــابــت الـفكـرة لـها صـباب
أحــبك أفــكارهــا واصــك قـيفـان الـمثـل تـيهـا
مثل ما أنجع الجرعات عصارة من زعاف الداب
أجـد أن الـشعـر تـعبـير نـفسـي عـن خـوافـيهـا
وشـرف أنـي أمـثل لابتي وأصعد على المحراب
وأقـف شـامـخ أمـام قـرومـها وأدرك مـغازيـها
هلا مـليـون فـي مـليـون أكـررهـا عـدد وحساب
عـدد حـب الـرمـال وما حَوَتَ شاسع صحاريها
وهلا مـليـون فـي مـليـون تـراحيباً رهاف عذاب
تــراحـيب الـزهـور إذا لـمسـت قـطرات نـاديـها
تـراحـيب الـعقـيم الـلي قضى عمره بدون إنجاب
ومّن الله عــليــه وحــققــت نــفســه أمــانـيهـا
وعـسى مـن قـدّم الـدعـوة لـنا ثـم كرر الترحاب
حــياتــه فــي ســعادات وهَنَا يــقضـي لـيالـيهـا
رعـا الله مـن لـجل مـد الـتواصل قاهرين صعاب
ولاة الأمـــر قــادتــنا رمــوزا نــفتــخر فــيهــا
