وش فيك متغير علي

وش فـيك مـتغـير عـلي وأنـته تـعرف أنـي أبيك      أبــيك والله يــا رشــا وأن عــبتــها خـذهـا أبـاك

وش فيك قلي والله أني ما عرفت أش صار فيك      وألأ عـلى جـولـت أهـل كـويـت يـا عـمري وراك

مـا دام لـك فـالقلب موطن وأنت ما غيرك شريك      تـأخـذ وتـعطـي والـنتـيجـه يـا بـعد عـمري فداك

أفـداك أنا وقلبي وضميري والسبب مجنون بيك      مـجنـون حـبك وكـل يـوم يـزيـد فـي قـلبي غلاك

لأنـك فـريـد الـحسـن مـزيـونـن ولـك قلبي مليك      وأدري يـا لـو بـكتـب قصايد ما توصف مستواك

ولأنــك جــميــل وفــاتــنن ومـدلـعيـنك والـديـك      ولأنـك صـغيـر ومـا تعرف أن أكثر الحب الهلاك

وأنـا هـلكـت بـطرف عينك وأنت لك طرفن هليك      وأنـت أكـسجـين الـقلـب وأنـا دايـم أتنفس هواك

جـيدك وخـصرك وأبـتسـامة ثـغرك وغـمازتـيك      ودعج العيون النعس والخجلاء ومعنى الأرتباك

ومـعدن نـفيـس ومـاس أصلي كلها في وجنتيك      ونــبت الــخزام ونــفل وورد هـي ريـحة شـذاك

مـفنـود فـي حـسنـك وطـبعـك والـمزايـا تـعتليك      جــمال نــجد وحـايـل وجـده جـمعـته فـي بـهاك

وأنــا عــليــه بــالــطلاق أنـي أعـزك وأهـتويـك      وأقــدرك تــقديــر حــاتـم لـلضـيوف ومـا خـفاك

تـقديـر صـافـي مـن خـفايا القلب من سبه دريك      طــايــح ولا لـي مـن مـعيـن ولا تـبيـن لـي نـباك

وألا أنـت مـا تـعرف حـبيـبك كـل هـمه يـلتـجيـك      يـبيـع غـالـي لأجـل غـالـي والـسبـب كـله رضاك

أبــيع كــل الــناس يـاعـمري وقـلبـي يـشتـريـك      ولا تـــهمـــه غـــالـــي الأثـــمان دام أنــه يــباك

أبـــيك والله يـــا رشـــا نـــاديـــتلــك والله أبــيك      أن جـيتـلي يـا مـرحـبا وأن رحـت خذ قلبي معاك