كلامـك يامنى روحي على عيني وعلى هالراس
ولكـن كلمتك تقـسى على قلبي وأنفاسي
رجاي تريثي عمري ولا تنسي ترى لي إحساس
أنا مثل البشر قلبي رهيف ودوم إحساسي
علـى هونك إذا قلتي كلامك قـاطع الـهوجاس
تراني دوم يا عـمري أبوح لكـل جلاسي
وأنتي يا مـنى هالـروح تبيني أكتـم الأنفـاس
تبيني بس دايم لك وأقطـع كـل نسناسي
محـال اللي تريدينه محال أنسـى البشر والناس
ولـو قلتي أنا حبك أنا عشقك على راسي
أنا أدري تحـبيني وتمـوتي فـي ترى لابـاس
ولـكن المـحبه شي إذا زادت لها قياسي
ولو زاد الفـكر فيها تسبب لك عـوار الـراس
ولو قلبك يجـافيها تبلى فيـه وسواسي
وآخر كلمتي لجلك غرورك أقطـعي م السـاس
وضميني إلى صدرك تلاقي مركبي راسي
