أنا يللي بكيتك قبل جا دهر الحزن وأبكاك
وتحملته شقا عينن تهل تهل دمعاته

تعذب لي خفوقي لجل يكشفلك كبر مغلاك !
ويثبتلك صدق إنك قلبه وإنت دقاته ..

ياكيف أحيا أنا دونك ؟ ياكيف أنا أبد أحياك ؟!!
وكيف أقبل أشواقي بلا حبك وعبراته

وإذا مرة إبتسملي جرح ! تقاسمته معي وياك
وأخال إني تقاسمته ! ولقيتك تخفي طياته

إذا ضاقك زمان وجابلك همن وأهداك
تذكرني أرد الدمع وأشيل الهم وسواته

وأفصلي شبيه الجرح حبيبي من على يمناك
وأبكيلك سبب جرحك لجل تهجرك شتاته

تعال إرجع وعوضني عمر عشته بلا ألقاك
تعال أرجوك لاتبعد وخف العشق لوعاته

أنا ( بهْمس جنوني) لين ألقاني معك وياك
وإذا أخرت ميعادك إبشر قلبي وفاته !
حبيبي أدري عن قلبك وقلبي ذا ترى مثواك
مردك .. مرجعك .. منْزْلك وصاحب كل معاناته

تقول :أنا ؟! أقول: أهواك ولاقلبي قدر ينساك
دخيلك عودلي دامك تطيْب الجرح علاماته

أنا من كثر ماعدت لياليا أخاف أهواك !!
على زود الهوى اللي باقين في نفس ويلاته

تحملته شقا عينن إذا دهر الحزن جاك
وأنا بتحمل غيابك بعمري وكل أوقاته

وسلااااااااااااامتكم

همس الجنون
12/9/2007
حقوق الطبع محفوظة
ش
السموحهـ