ساجدات الليل(للروح دائما شوق...اللحظه وهي بين يدي الله في أحضان الليل.....ساجد)
بــعيـد وأجـمع شـتاتـي اسى فـي كـف تـمثـيلـك
هـــناك بـــاخـــري اواخـــرك جــيتــك بلاعــذري
جـمعـت الـليـل فـي كـفي شـقى وارجـع بلالـيلك
وراجــع حـالـك الـظلـمه بـوجـهي وقـلتـها اقـري
ســـجودك غــايــب عــني ادور ويــنك اجــيلــك
تـعبـت ارسـم بـقى عـمري امـانـي تـلعـنه شعري
تـكسـر فـي غـيابـك روح...حـطام ارتشف حيلك
عـلى صـوتـك بـدا خنجر اذان السحر في صدري
وانا اصحو على ضيم الوجع ومساي يشكي لك
رتـابة تـضجـر بـعمـر الـورق.....وايـه لـو تدري
جـمعـت الـليـل فـي كـفي خـطايـا امـناي تضليلك
هلا بــكل الـذنـوب الـطاهـرة يـا سـجدتـه عـمري
تــعربــد هــالــربــيع بــداخـلي مـاتـت عـناديـلك
فـقدتـك صـوت في روحي يسامر مسبحة طهري
عــلى شــطك نــبت وصــاحــت دلــتي بــهيــلك
نــرج الــليــل أيــات تــساقــط دمــعنـا....ويـذري
بــكاك الـجرح فـي هـمي نـزفـك غـياب تـعلـيلـك
سـجودك سـاجـدات الـليـل يبوح العطر في ثغري
تـعرى الـمسـك مـن روحـي فقدت سراج قنديلك
وربـي الـعمـر مـا يـسوى دقـيقه عشتك فسحري
اجــيك وروضة الاحــزان تــغطــيهــا مــناديـلك
عـناي الـروح يـتبـسم سـناهـا فـي كـحل سـطري
ريــاض الــليــل....جـناتـك بـتسـقيـها مـخايـيلـك
تـرعـرع فـي بـراحة غـيمـتك ازهـارهـا الـعطـري
وفـيت عـهدي وكـنت بـحر لـهمـومـي ارمي لك
مـتى مـاضـاقت اضلوعي سجدت لربي في سري
تـورد داخـلي شـوق الـغيـاب وصـاح بـي ويـلك
صباحي يشتكي نهري...عصافيري..شفق فجري
بـكاك الـضي فـي كـل الـخطى مـحتـاج تـهلـيلـك
ركـعتين السحر وينك......ضماي بيشربه صبري
ابــسال والـكرى فـي خـاطـري اقـسم بـتبـجيـلك
مـتى ذاك الـيبـاب....بـيرتـحل ويـبشرك بسري؟؟
مـتى تـسرج بـاحـضانـي شـمع مـحتـاج تـرتيلك
مـتى نـبع الـوفى يـصدق عـلومه ويرجع بيجري
انــا الــلي يـرتـقب كـف الـمديـنه فـي فـناجـيلـك
وانــا الـلي عـاهـده وقـته بـدونـك يـندفـن نـحري
الا يــاربــي الــغافــر.....ابـرجـي هـطلـته لـيلـك
بـيحـرق فـينـي اذنـوبـي.....بـدمـعه تغسله شري
