ضاقت أنفاس الكراسي من هموم الإنتظار ..
مل قلبي \ضاق صدري من عنا هذا الجلوس..

أنتظر طلة طيوفك تعلن لعيني قرار..
أرتقب ألمح طيوفك ولو من حضرة جنابك هجوس..

لي متى هالورد بيدي ترغمه ع الأنتحار؟؟
من متى شمع الحنايا يشتهي قرع الكوؤس؟؟

ياسيوف الوقت مري..كم أخاف الأنفجار..
لما تزحف للكراسي بعض أذيال العبوس..

مادمى ذنبك حبيبي بس قبح الأعتذار..
ساوى في أسوأ إحتمالاته تقطيع الروؤس..

هذا صمتي يجبر الأحساس بي ع الأحتضار..
بيني وبيني معارك مثلما حرب البسوس..

يضطرب هاجوس فكري بين برد\وبين نار..
ذابت اللهفة بقلبي ومالت أشواقي نكوس..

بس يكفي كل غصوني, صارت أكوام إنكسار..
مارتوت من ما سماها , صابها قحط ويبوس..

هذا من وجع إنتظاري والحقيقة باختصار..
بنت ماارضى المهانة ولا مذلات النفوس..

برحل بجمر المواجع\برفع الراية إنتصار..
يكفي من ضيق الكراسي آخذ أصعاب الدروس..

غالبت شوقي برحيلي\ظهري ميل وإستدار..
غادرت أحمل دروسي واترك الخطوة تدوس..

نشرب خمور السعادة من كوؤس الإختيار..
وننجبر ناكل شقاها تحت أنياب وضروس ..