في حنايا الروح غالي
ساكن آهاتي وعشقتـه
لاهوى غيري ولا لي
غير حبه ومـا هملتـه
مبعدن عنه وصالـي
هـذا ظرفـن ماتخذتـه
خايفن يحسبني سالي
وعـن معاناتـه نكرتـه
خوفي يتركني لحالي
ويبعد الشوف إل نطرته
مانسيت الحب غالي
وما نسـى قلبـي أملتـه
غاب ولكن حبه عالي
مارخصتـه ولا اهنتـه
حبه الصافي زلالي
ريح فؤادن سهرته
بس مدري ليه حالـي
فـاق تعذيبـن جهلتـه
إحتوى همن خيالي
ونزف جرحـن ماحسبتـه
خلت حبه لي ومالي
وإتضح سـرن كشفتـه
إن حبي له فبالـي
دمـع عينـن كـم أثرتـه
ليته يدري كيف حالي؟
وكيف اني ماوحشته؟!!
وبُعـدي بكيفـي محالـي
إنكتبلـي ماكتبتـه
لو سهى ماهو جرالي
وكان يحسبنـي خذلتـه
كان يرجعلي يسأْلي
ليش قلبي لـك جبرتـه؟!
ورد المتيم يتْلالي
بقلبـه العـذب إل سلبتـه
وقاليلي لالا تبالي
شوفك غدربـي وعذرتـه
كانه الغالـي يغالـي
هـذا حقـه ماحرمتـه
دامه قربي وصفالي
هذا مطلـب كـم طلبتـه
وسلامتكم
همس الجنون
(حقوق الطبع محفوظة)
1/ابريل/2007
السموحه