 |
قسم نوافذ
بياض الصبح |
|---|
كل شي أحبه خانني
ذاك الورد..هذا العطر
موج البحر ..ليل السهر
هذا الحبيب المنتظر
(2)
لاتزعلي
لو مرة فارقتك..ثواني
وانهدّ في بعدك كياني
لو زعلت وما رضيت
لوقفت وما مشيت
لو على روحي قريت الفاتحة
(3)
النور ياخذني بعيد وينطفي
والحب يظهر من بعيد ويختفي
ويظل وجهك
هو بياض الصبح
والمعياد
والحب ..الوافي
(4)
حبيبتي
طلي من الشرفه ..لهب
فرحة ..غضب
حزن ..وطرب
واشيا كثيرة تلمني
بهالشارع المزحوم .. عشق وطهر
يا نار وضلوعي حطب
فيني مشاعر تحتضر
قلبي .. وروحي
في محبتكم تمووووووووووووووت
و..ت..ن..ت..ح..ر
(5)
تصدقي
ما بقت فيني دموع
خلاص ..مليت الرجوع
في داخلي
أعطش
أجوع
.... وانتظر ..
(6)
لو وصلت الرجفة يدك
لو حيل حبي ضيعك
لو أتعبك ..
لو ودعك..
واستودعك
والدمع أدمى لك يدك..
مدي يمينك..................وارجفي
هذي نهاية حبنا!!!!
|
|
|
| | |
