من يجيب النوم لعيونــــــي
وفــي غيابه مـــن يواسيني
كيف تقدر تغضي جفونـــي
قبــل مــا صــوتــه يحكِّيني
سابني مع هاجس ظنونــي
ونـــار بعـــده والله تكويني
يـا جمــاعة لا تلمــــونــــي
لــن بكيت ودمعــــت عيني
هو حياتي ودنيتي وكونـــي
وسعد عمري وكامل سنيني
هـــو علي غالي ولا يهـوني
وهــو الوحــيد اللـي يهنينـي
يــا إلهــي أطلبــك عــــونـي
بالســلامة عيــد لــي ظنينـي
يعـــود لـي في دنيتي وكوني
مثل شمعة بليل تظـــــــويني
يا مناتـــــي زادت شجــوني
جفت عروقي وشرايــيــنــي
بعـــدكم عمــري تبلـّـــونــي
الحـــزن والــهــم ظــانــيـني
كــل خــلــق الله مـــلـّــونـــي
مـــن بكــــاي وكثــــرة أنيني
عود وأمسح دمعة عيونـــــي
ومن جروح الوقت داوينــــي
فرقتك صعبة يا مظنونـــــــي
اليوم عندي كأنها سنينـــــــي
عود لي ولا تروح من دونـي
ودخيـــل الله لا تخـــلــيــنـــي
مخاوي سهيل
|
