هلا باللي رجع بعد الغـياب ويا هلا وأهــليـــــن
تـــراها نـــورت دنيـــاي بشــوفك لــي يهنــيني
كرمني خالقي بشوفك يا أحلا من خلق من طين
ياللي لـــك أنا نظمي وكل شعــــــري ودواويني
سعدت بعودتك سالم وزاح من الصدر هميــــن
شوفك كالمطر يروي زهـوري فـــي بساتينـــي
تبي تعرف عن غيابك واللي صابني يا زيــــــن
تفضل وأسمع أحوالي بغيابك وأقدم لك براهيني
أنا في غيبتك أصلا أبد ما غمضت لي عـــيـــن
وكيف النوم يهنالي وأنت بعيد عــــن عـــينـــي
بكل شوقي وأنا ناطر تجي بأي لحظة وحيـــــن
ترى في غـــيبـــتك أشتاق لـــك كل ما فيــنـــي
خمس أيام يمرن بي وكأن اليوم عـــن سنتــيــن
يمرن هالليالي بي كأنهـــن أصعـــب سنيــــنــي
وحق اللي خلق هالكون نجوم الليل بي داريــــن
أنـــا وليلــــي تحــــالفنا أســـليـــــه ويـــسليـــني
ليالي ذوقني كاس وربك أمـــر مــــن المــــرين
وكثر الشوق في صدري بناره صــــار يكوينـي
تخيلتك قريبة للقمر وقــلــت يا أحـــلا ثنـــيــــن
توهمــتك بنصــف الليلي أنـــا جيك وتــنـاجيني
ولي منه هدى ليلي صوت الطـــير والتلحيـــــن
يهيـــج خــــافقي كلـــه وبحســـرة يبـــكيـــنــــي
وكم مرة أعيش أوهام على إنك إلي تنـــاديـــــن
يسافر بي الخيال إنك بعالي الصوت تنـادينــــي
وأنا أجاوبك بكل إحساس وأقول يالغلا أهليــــن
تدلل يا أعز الناس على راسي وعلــــــى عيني
حصل في غيبتك هذا ولك أحلف ألف يميــــــن
أنا أحلف لك صدوق وأحط مصحف على يميني
مخاوي سهيل
|
