أنا أوصيك يا بنية أبعدي لا تشربي كاسي
أنا كاسي أمر من الصبر ما هو مثل كاسك
أنا ماني سهل أبد وقلبي دايماً قاسي
أحسن أبعدي يا بنت قبل لا يضيع كرياسك
-------------------------
أنا معروف في طبعي عنيد من راسي لساسي
أنتي بالهوى توّك ضعيف بالهوى ساسك
أنا عنيد دوم وعمره ما خضع راسي
عزيز النفس في طبعي وأنتي خاضعة راسك
----------------------------
أنا شاني عظيم بين أهلي وربعي وناسي
وأنتي من ؟ ومن أهلك ؟ ومن هم ربعك وناسك
أن زيني بأخلاقي وبنك الطيب عمره ما أعلن أفلاسي
نصيحة روحي يا بنية قبل لا أعلن أفلاسك
--------------------
أنا لي الشرف دايم سعيد بكل جلاسي
ولا فكرت في لحظة أكون من بين جلاسك
أنا في عمق بحرك مركبي دايماً راسي
مهما كان طوفانك عتيد وكثر حراسك
----------------------
إذا قصدك بأفعالك تشوفي قوتي وباسي
أنا باسي شديد دوم ترى ما هو مثل باسك
أنا مثل الجبل على كثر العواصف صامد وراسي
ترى صعب الجبل عشانك تطلعينه تتعب أنفاسك
-------------------
إذا فكرتي في لحظة بأنك تجرحي إحساسي
أنا أتحداك في لحظة تراني أعدمه إحساسك
روحي أبعدي يا بنت بلاش تشربي كاسي
أنا كاسي أمر من الصبر ما هو مثل كاسك
مخاوي سهيل
|
