كـــم يالغالي رجيتك واللذي ســوى حـــلاك
صارحيني عن همومك خبريني وش علامك
قولي واللي يسلمك ليــــه هـــــذا الهم جـــاك
هالشفايف من حرمـــها من حلاوة ابتسامــك
وش حصل قولي وربك ايه لي كدر صفــاك
ليه هـــذا الحزن كله وليه دايـــم في هيامــك
أحسك وربي حــزينة وغيم كدر في سمـاك
نغمتك كانت كإيبة وحــتى ردك أو سلامـك
قلت هي يوم وتعدي وتفرحـــــي يالله عساك
وترجع البهجة بحياتك ويغمرالسعد إنسجامك
خمس ايام توالي والبسمة مــا حلة شـــفــاك
وانا كل لحظة أنادي يالله قولي وش علامــك
كـــان همـــي إنبساطك وأحمـــله همك معاك
لأني افـهم لك طباعك وضحتك حتى كلامك
دخيــل الله لا تخـبي يا جــعــل عمري فـداك
تدري إنك لي عزيزة وفي وسـط قلبي مقامك
وخمس ليلاة(ن) طوال ما شــغل فكـري سواك
مـا غضت هالعين لحظة بس شاغلني هيامك
مخاوي سهيل
|
