ياللي تبــي ترحــل لك درب سالــك
خذ كل شيء وياك ماني بشـرهــان
أرحــل وأفعــل كل شــيء ما بدالك
وش يعني لــو تـرحل أكون زعلان
بالعكــس أنا أرجوك عجــل رحالك
ما عاد لك عندي معنــى ولا شــان
أبعــد وروح خـــلاص قلبي دعالك
رجــلً تشلك مــا تردك بــلوطـــان
أصلاَ أنــا من اليــوم بقطــع حبالـك
وألغيك من صفحة كتابــي بنسيــان
أنت اللي راح تعيش وحدك لحالـك
مالك صديـق مول مخلــوق إنسـان
ولا تفتكر أرجوك وأطلب وصالـك
لا واللذي ســواك مانــي بســــألان
يعني خســرت اليوم قلبً صـــفالك
وأنا ورب الكون مانــي بخســـران
ولا تفتكر أبكيك ولا يجــي ببــالــك
حتى الحزن والله مانــي بحــــزنان
أقولها كلمة ترى مــن هــو مثالــك
ما هــو بكفوء يسـّــيل دمعات لعيان
وأعاهدك تــر جــع وبليل حــالـــك
تبكــي دمــوع ودم آســف وندمـــان
ساعتها أقول لك روح مالي ومالـك
وأخلك ببحر الهم غارق وطبــــعان
لا يجي على ذهنك وحتى بخيـــالــك
بأني أنا في يوم أنسى اللذي كــــان
إذا المــوت ينســانـي أنســى فعـالك
وأسامحك لو صــار المــاي دخــان
أقرب لك المــريخ منــي يــا هـــالك
هيهات عليك أرضى حسبها بحسبان
بالنسبـة لــي ميــت وقلبــي رثــــالك
ومن مات مايرجع وله القبر أوطـان
مخاوي سهيل
|
