أنا محتار في أمري

ألا مقســـاها ها دنــيا ألا يـــا صعبـها وياي
كثير اللي حصل منها ألا يا نــاس يكفينـــي

كأنها مالها غيري ولا حد(ن) فيــها ســواي
أبد ما يوم خلتني ولا رضت لحظة تخلينــي

في صبحي تعاندني..وتلوعني وقت مســـاي
أما الليل.. ما تقصر بحسرة وهم تـــرمينــي

خذت مني الفرح كله وخلتني أعيش أســـاي
صرخت وقلت يا دنيا وش لك بي تأسينـــي

قالت ما مضى هين وتصبّر على الي جــاي
قلت أرجوك يـا دنيا دخيلــك بس رحمينـــي

لكنها بلا رحمة يا خلــق الله نـــوت ببكـــاي
ياريت أعرف وش اسبابه هي نوت تبـّـكيني

أنا محتار في أمري ولا عارف صليح الراي
مـــدري إن الغلــط فيـــها أو إن الغلــط فيني

أبي حد(ن) يخبرني لي منه سمع شكــــــواي
دخيــل الله يخلــق الله أبي حد(ن) يحس فيني

ألا ياريت لو واحد في هالكون بس شـــرواي
يحس اللــي أنـــا أحســه أواســيه ويــواسيني

يعرف كيف أنا عايش يقدر لي عظم بلــــواي
يجي ويشوف وش حالي وأقدم له بـــراهيــني

كفاية الليل أنا أقضيه يا ربعي وأنـــا بصحاي
جفاني النــوم فارقنـــي ولا قـــرب ليــم عيني

وكم مرة تمنيــت الحــزن يكون لـــي نســاي
إذا لحظة أنا نسيته بعالــي الصــوت ينادينــي

هو أصبح خليل(ن)لي يرافقني بكـــل ممشاي
كأنـــه حالف يمينـــه أبـــد ما بيـــوم يخلينــي

وبلاوي دنيتي كثيرة ومصايبها كشرب الماي
ما بين اللحظة والحظة من الكاسات تروينــي

ولي مني عطشت أفراح تخليني أنا بضـــماي
ألا يا كثر ما ترجيــت مــن الأفـــراح تسقيني

تخلينــي وأنــا تايــه كأنـــي بعالــم(ن) منساي
ريـــاح الهم تلعبــي شمال ويميــن تـــودينــي

مثل مركب بلا ربان تايه مضيع(ن) مــرساي
مــوج البحــر يقذفنــي ولا لـــي مــن يرسيني

أنا صاير رسالة حـــزن ساعيــها نغمــــة ناي
بلا طابع بلا عنوان ضاعــــت كل عنـــاويني

أنا مثل الكتـاب اللـــي أبـــد مـــا إلـــه شـــراي
أنا قصة حزن صعبة وصار الكــل يــروينـــي

أنا تاريخ ولا وراح مــن كل البشـــر مطــواي
أنا الماضي الحزين اللي كل هالكون ناسيــــني

أنــا مثل الدمـوع اللي علـى خــد اليتيــم جـراي
كفوف الرحمة أناديها تعالي أرجـــوك مسحيني

أنا طفل(ن) فقد أهله يتيم(ن) والرصيف مـأواي
وحيــد بدنيتــي تايـــه ولا لــي مــن يـهـنــينـــي

فراشي الأرض ويديني المخدة واللحاف سمــاي
فــي عــز الشــتا أقاســي ولا لــي مـــن يدفينـي

ألا يا صيفي المحرق ألا كــم كنت لـي كـــواي
أسير الدرب وأنا حافي ولهيب الشمس يكوينــي

رفيقي وصاحبي جوعي مع غي السراب سـراي
ليل ونــهار وهــو ويــاي أخاويــه ويخـــاوينــي

أعـــود وأقـــول يا دنيا يكفـــي بلـــوتي وأســاي
دخيـــل الله يـــا دنيا بحالـــي أرجـــوك خلينـــي

قالت أنت من مثلك يا صاحب بهالزمــن مجفاي
تراه العيــب مو مني ولا تخلــي العتــب فينـــي

أنــا دنيــا مثل أول ... مــا تغيــرت فـــي فحـواي
تــراهــا الناس تتغيــر وصــار الكــل يــرمينــي

دخيلــك لا تعــاتبــني أنــا وحــدي عظــم بلـواي
شهيد الله على قــولي ولا شــيء حيلــة بيدينـــي

روح وشوف خلق الله غـــدو كالذيب لي عــواي
أمــا الغدر يا طــيب صــارت لــه ميــادينـــــــي

صار العيش للأقوى لــي جيــبه غـــدا ممــــلاي
جمــع كنـــزه ولا هـمه فــقيــر ولا مســاكينــــي

وفقير المال من مثلك غــدا يا صاحبــي منفــــاي
كــأن المــال يا صاحــب سلطــان السلاطينـــــي

نســو إنهم بــأي لحظة يكون القبــر لهــم طــماي
ولا ينفع لهم مال(ن) ما غيــر الطاعة والدينــــي

مخاوي سهيل