ميزج رب الملا بذاك الجمال
حتى صار النور يا خذ منك نور
يا حمامة حب يارمز الدلال
يا حرف شعري وان تغنى بالبحور
بالزين تملك اسمى آيات الكمال
واجيك كلي في شعور ولا شعور
يا حكاية قلب محتاج لوصال
يا سالفة حبي على ضفة السور
يا انسانة ٍ قلبي لخفاقها مال
معذور حبك لا بنى داخلي قصور
دمعي على خدي من افراقكم سال
سيل العطر من داخل الورد منثور
من ورى ضلوعي ينادي لك تعال
قلب حامل في يده باقة زهور
خايف ٍ ؟.. حبك غدى شي ٍ محال؟
خايف اني اتركك واسكن قبور
خايف الفرقى تجينا خير فال
والتقي بك في عنا الوقت مكسور
يمكن يطول الوقت ويتغير الحال
ويصير وصلك للمحبين كالنور
إسماعيل البلوشي
