عـلى ذيـك الـمراكـب شـفت أحـوال الـبشـر أجناس
عـلى نفس المراكب كان حالي من البشر قسمين
عـلى نـفس الـبحـر سـرنـا وكـانـت غضبته مقياس
هـو نـفس الـغضـب يـالـلي يجمع خشيتة شملين
قــبل الــعاصــفه بــرهــه سـاد بـوقـتهـا وسـواس
تـقسـم شـمل هـالـمركـب وأصبح يجمع الضدين
سـاده يـرفـعوا صـوت وعـبيـدٍ يـخضـعوا بـالراس
وفــقرٍ ســاكــن وجــية تــعبــها لـعبة الـحبـليـن
وطــيب كــالـمطـر يـروي قـلوب قـد سـكنـها يـاس
وحــقد يــحرق الــدنـيا يـنطـر فـرصـته م يـليـن
وآنــا وســط هــالــعالــم دار بــداخــلي هــوجـاس
تـغيـر ذا الـفكـر فـينـي واصـبح يـسكـب الدلوين
غـريـبه حـال هـالـمركـب غـريـبه حـالـهم ذا الناس
قضوا في هالزمن عمرٍ ولكن ما وعوا الدرسين
نـسوا أن الـجمـيع أصـله تـراب وذي بـداية سـاس
واشـرف مـن ولاد آدم مـحمـد قد خلق من طين
ولــكن حــكمة الــمولى نــكون بـهالـحيـاة أجـناس
قـضى فينا الخلاف نكون سعيد أو شقى مسكين
بـعض الـناس مـا تـملـك سـوى ملح ورخيف يباس
لـكنـه الـفرح صـادق يـرضـوا بـقسـمة الـفلسين
وبـعض الـناس هـي تـملك قصور تبهرجت بألماس
لــكن يـحسـدوا لـقمة تـكون بـحوزة الـمسـكيـن
غــريــبه حــال هــالــدنـيا تـسقـينـا الـمراره كـاس
يــمكــن تــفرحــك لـحظـه لـكن تـحزنـك سـنتـين
وغــريــبه حــال هــالـعالـم يـودوا عـيشة الإفلاس
يــعيــشوا كــذبة الـدنـيا نـسوا يـومٍ يـرد الـديـن
غدت هذي المراكب شر غابة من وحوش اشراس
غـدت كـل الـمصـالـح مـال لـعنـه تـحطم الطيبين
مـــا دام الأخـــو يــكره يــكون لأخــوتــه مــتراس
ومـا دام الـصديـق الـلي تـحبـه يـطعـنك ويـهيـن
ومــا دام الــزمـالـه بـس مـال ومـصلـحه وأدنـاس
ومـادام الـمحـبة درب لـرغـبة هـالـضمير الشين
كـيف تـسيـر هـالـمركـب وتـحمـل من خليط أتعاس
وكــيف يــقود ربــان الــمراكـب دفـت الـطاغـين
وفـجأه هـاجـت الـدنـيا وصـارت مـعمـعات أجراس
وصـارت كـل أمـواج الـبحـر تـطبـل طبول البين
وســادت ظــلمة الــرهــبه وثــارت ربـكة الأنـفاس
وتـزاحـم خـيال الـموت يـوشـك يـهلـك الـسالـين
وتــنطــق كــل حـناجـرنـا بـصوتٍ واحـدٍ مـحتـاس
تــدعــوا ربــنا الـهادي يـهدي هـالـبحـر ويـليـن
تــجمّع كــل أضـداد الـبشـر فـي مـركـب الأعـراس
نـسوا كـل الـفروق اللي اصنعوها من بقايا طين
وفــاقــت نــفس إنــسان الــكآبــه وأنــتبـه لـلبـاس
وصـحّت ضربة العاصف ضميرٍ غايبٍ (م) سنين
يـا لـيت الـبشـر يصحوا على وجه الزمن بأحساس
ويـا لـيت الـبشـر يـدروا طـبيـعة مـركب الدارين
وهـي نـفس الـمراكـب تـبحـروتـحمـل خـليط الناس
وهـو نـفس الـشعـور الـلي يـقسم حالتي قسمين
عـلى نـفس الـبحـر سـرنـا وكـانـت غضبته مقياس
وهـو نـفس الغضب ياللي تجّمع خشيتة الضدين
