بــــــــرائـــــة يـــــا زمــــــــن

[عباس المسكري]

القاضي
بدينا المحكمة ونادي يا حاجب على المتهوم
وخلي التاهم يقــــرب يحضّر كل بياناته

خلنا نحكـم بإنصاف من ظالم ومـن مظلوم
ونادي الشاهد يجينا نبي نسمـــع إفاداته

خلي المتهم يدخل بقفص المحكمة المعلـوم
وفك القيد من إيـــده وحــررها يدياته

الحاجب
حاضر سيدي القاضي أمرك طاعته بلـزوم
أنادي المتهـم حاضــر وأكرر في مناداته

وينك يا زمن وينـك إذا حاضر تفضل قوم
أنت اللي يبـي القاضـــي يفتح له ملفاته

أدخل بالقفص عجل قاضينا تــرى مزحوم
تفضــل جاوب القاضي على كامل سؤآلاته

الزمن
أنا موجــود يا حاجب إذا كان الزمن منهوم
والله الزمن حاضر إذا ودكــم مجـــازاته

مدام الحكم بالأنصاف يالله نكشــف المظلوم
وخلي اللي يشاكينـــي يطـرح كل شكياته

إذا له حق من عيني ألبيه الحكــــم ملزوم
خله يطــرح الشكوى ويقــدم كــل أدلاته

القاضي
تفضل يا زمن وأحلف وقول الصدق بالمتموم
قول الصدق خبرني أريد الصدق وبذاتـــــه

يقولون البشـر إنك راميهم بدنيــــا همـــوم
وحد منهم يقـول إنك سبــب بلواه بحياتـــه

وحد ثاني يقول إنه بأسبابك غـــدا مهموم
وأنت اللي غديت أسباب في مجمل عذاباته

وكم شخص(ن)يخبرني بسباك غدا محــروم
أنته يالــزمن باليـه بكل مجمـــــل بليـــاته

وحد(ن) قال يا هذا من عينه سرقــت النوم
بأسبابك غـــدا غارق بوسط بحور ويلاته

وقالوا إنـك تغيرت عن ماضيك أنـت اليـــوم
قالوا إن الـزمن ها ليوم علينا زايدة قسـاته

جاوب قـول صارحني وبين كل شي مكتـوم
قول اللي تبي تقوله كل اللي معـــك هاتــــه
الزمن
ألا يا سيدي القاضــي أنا من هالتهم محشوم
وخذ مني الحكي بالصدق ولك مني خلاصاتــه

أنا دارك لكل ماقلت أدري الكل علي يلـــوم
وكل وا حــد بها لـــدنيا يحملني معـاناتــــه


صدقني أنا مظلــوم ولبسي من البراءة هدوم
وهذا حال بــن آدم يرمــي فيني غلطــاتــــــه

أنا أشوف البشر كلهم ما يرضــون بالمقسوم
وتراه الرزق من ربي حكيم(ن) في عطياتــه

كثار اللي بهالدنيا لحقوا مـن السعادة نجـوم
وقليل(ن) منهم الشاكر على النعمة اللتي جاته

وأنا يا قاضي ما تغيرت على حالي باقي دوم
باقي حالـــي الأول مثــل ما هو بـداياتـــــــه

حال الناس متغير وهــــم يرموا علي اللوم
رب الكون هو عالم بسر عبــــده وخفياتــه

كثار اللي غدوا منهم معناه الضميــر معـدوم
يتابع دنيته بكيفه ويجي معــها لن جاتـــه

وغني المال مع ماله كل وقته غدا مزحـــوم
نسى دينه وكل ناســه وصــار يعد ألوفاته

ومنهم غره الكرســي على بالـه يملكه دوم
أبد ما فكـــر بلحظة بكـــره تنتهي حيــــاته

وذاك اللي يا قاضي في بحر الذنوب يعــوم
ترى الشيطان لي غاويه وطيب له ملذاتــه

وحد آخر ضميره باع بدنيا الغش غدا مغروم
صار الغـش في دمه وهذي أصعــب آفاته

ختام القول يا قاضـي أنا قدامـك ومظلـوم
قلت اللي معي كله قلت الصدق لك ذاتـــه

بإيدك أنت تنصفني أو ترمي علـــي اللـــوم
راضي بحكمه القاضي وواثق من عدالاتــه

القاضي
سمعناه الزمـن كلــنا نطـق قوله وبالمتموم
واضح كل مــا قالــه بتفسيره وعباراتــه

وحان الوقت نتشاور يا سادة على المنظــوم
ونصدر حكمنا المنصف في مجمل مجالاتـــه

حكمنا نصدره بعد التشاور مع خيار القــوم
ونبحث في كتاب الله وندرس محكم آياتـــه

الحاجب
تراها رفعت الجلسة كل الحاضرين يقـــوم
بعد ما يخرج القاضي خلي الكل براحاتـــه

الحضور
تطمن يا زمن أمرك غدا بأيد القضاة محسوم
دوم الحق هو غالب دوم الحـــق بعـــــــلاته

الحاجب
شرف سيدي القاضي أريدك متهمنا قيــوم
لحظة وينطق القاضي ونسمع له قــراراته


القاضي
بعد طرح التهم كلها وسمعنا قصة المتهـوم
وكل (ن) قا ل ما عنده وطرح كل حـواراته

حكم المحكمة جاهز وبختم الشرع هو مختوم
حكم لا يقبل استئناف ولا يقبـــــل جدالاتـــه

حكم المحكمة ماضي وكل (ن) بالحكم ملزوم
بمدى التاريخ أنا أريده الكل يفهم عبـــراته

برائه يا زمن وأنته في كل التهــم مظلـــوم
وكل اللي شكا ضـــدك يتحمل خســــاراته

نعم يا ذا الزمن أنته من هذي التهم محشـوم
وخلي كل تاريخك يسجـــل في ملفــــاتـــه

برائة والبراءة لك أوضح من وضوح نجوم
وكل من قال لك ظالم يلزم صمته وسكاتـه