اللي مشى ع الحق ـ صعب انعطافه ..!!

[احساس طفلة]

انسان احب اهل الفكر والثقافه ..
وطموحي الشعري بهالكون محدود

لان الشعر لامن بغيت احترافه ..
لازم تنازل عن كذا شرط وبنود

يعني تجامل- تبتسم في لطافه ..
تضحك مع هذا وذا - تكسر قيود

لجل تسمى شاعر" / ياحسافه / ..
مجبور تتجاوز مسافات وحدود

عشان تصبح في نظرهم خرافه ..
مبدع ورائع لآخر الحد أو زود

تفكير سطحي او بالاحرى [سخافه] ..
لا قالو (امعقد) اذا قلت (منقود)

مهين جدا" تشعر الحرف آفه ..
كلما عليت ايرخصو قيمتك زود

لكن شعوري لا ابدع وصاغ قافه ..
ماهو بحاجه من فكر جاهل ردود

مادمت صوريه و ربي اخافه ..
ماهمني لو بوصل لدرب مسدود

الذنب ما بيني وبينه مسافه ..
حتى ولو كان الثمن جرح وصدود

انا كذا ، طبع الحثاله اعافه ..
وبكل ما أؤمن احاسيسي تجود

اللي مشى ع الحق صعب انعطافه..
والحرق ما ينتج سوى طيب بالعود ..!!






احساس طفلة

[غصون يانعة]

جميل جدا ايتها الرائعه"


كل الحب "



غصون

[سالم الوشاحي]

جميل ماخطته يمينك يااحساس طفله

تسلمي وربي يعطيك العافيه

((ابوسامي))

[هيثم العيسائي]

نص جميل أحساس طفلة


أعجبني كل بيت من أبيات القصيدة

شكراااااا لقلبك النابض بالحياة

لك مودتي
هيثم

[غربة أسير]

احساس طفلة ..

نص جميل عزيزتي ..

بس والله مو شرط نجامل عشان تكون شاعر ..
لأن الشاعر يفرض نفسه ..
ولو تعب بالبداية عشان الناس تقدر شعره ..
بس بالأخير يسطع الحق ..

لكِ الود عزيزتي ..

[أحمد خميس المجرفي]

قصيدة جميل جدااا
لجل تسمى شاعر" / ياحسافه / ..
مجبور تتجاوز مسافات وحدود

..........

[علي النصيبي]

قصيدة عجيبة!!!

جزالة وتصاوير رائعة !!

أعجبني حرفك ..



فقط :

لا يأس مع الحياة ولا حياة مع اليأس

كوني واثقة الغد أجمل ...


دمتي بود!!

[بنوته صغيره]

احساس رائع...... استمري فالابداع ايتها المبدعة....
ابيات جميلة ..
تقبلي مروري...ِِ

[منذرالفطيسي]

احساس راااااائع
في الصميم
جميع ما اسرد ف القصيدة هو من واااقع للاسف نعيشه
ولكن لكل انسان قنااعات ومن عمل بمدأ القناعه لا تهمه شوائب مصطنعه
والمبدع سيصل ووصوله بامر من خلقه ....فقط....

قفلة الابيات
تجبرني ادونها في مدونة ذاكرتي..

دمت بود..

[راشد الشعبـني]

صح لسانك ..

نص جميل جدا .. وجمال حرفك راق لي ..

لك كل الود ..

استمري ف العطاء