سجّل حضورك بأبيات شعر من ابداعك

[ناجى جوهر]

كثر التودد يورث الذله لا كان معشـوقك خلـي لفــــــؤاد
خله على كيفه كذا خله يـومن يعـود و للهـوى ينقــــــاد

وأن قلت ما أسلاه ما مله حبه شراب ومن غرامه الزاد
الله يرأف بك ويقطع دابر العله لي تشعل النيران بالأكباد

[زياد الحمداني (( جناح الأسير))]

لو كل بنات الكون في كف ميزان
أسمك بيــــمزان الغلا شلهن شل

[زياد الحمداني (( جناح الأسير))]

تـدري وشــلي عذب الــــــطير لا طــار
شافك من أعلــى نور زيــنٍ وزيـــنــه

وتدري خفوقي لي نبض لك وش صار
صارت لأجــلك كـــل نــبضــــة رهـينه

[زياد الحمداني (( جناح الأسير))]

ما أدري أهوجس في عذاريب لأيام

أو بعـــض حـالي ينكسر في خيالي

[ناجى جوهر]

يعذب مذاق المر لجله بشربه خام

فيه الشقى والوجد والآلام تهنا لي

[زياد الحمداني (( جناح الأسير))]

يا عذب فكرك , في مزاياك ما رام
يكتبك ناجي , جوهرك دوم عالـي

[بوعبدالله]

في بعـدهـم حالـي حــزينــا
وشوقي لهم شـوق الضمايـا

وحـب(ن) نشـا بـين الثنـــينا
(أكتـب على شـانـه رثـايــا )

[بوعبدالله]

يــ الربع ... ولي تسمعون الندا
خبروه أني عن غرامه ما أتوب

لو يحـول الوقـت ويطـول المـدا
الشـاهـد الله .. ما غـيره ينــوب

[مازن المعمري]

غروبها...أهداب تغفي شروقها
وشروقها عينين تاضي هالزمن

تمشي على كحل المعاني..وفوقها
من المعزة...وتحتها يثمر وطن

زيران في قلبي ترابش شوقها
يلي قوامه حب...ما طاح وهن

[ناجى جوهر]

بحـمل جوابك ون يصـادفني الردا

با واجـهه لجـلك ولا غــيّر دروب


***

يا وافيـن ابــشــر عـدوينــك فـــدا

لي ما رعو ذمة وصادقهم كذوب

*********
*