حرقة فؤادي

[خالد الحجي]

الليل والوحــده ولهفة طواريك .... تحرق فؤادي حرقة العود والكير

الوصل ظامي وكايد الوجد يدعيك ..... وعطش النوايا عودن لك مصادير

اشتاق لك وافقدك وآعن وأغليك ..... عـنة عطـاشـا ضيـعوا يمة البير

منية شفوفي ليت عيني تراعيك ..... حـتان تدري كـيف قدر الغـنادير

اليوم غـيباتك وباكـر تغلـيك ..... والله يعـين اللي كـفخ كفخة الطير

قلب(ن)مطايعه شهر في تحريك ..... ليته يصـيد اشواق ريش المحاذير

ويضرب على راس الوصل مايخليك ..... إلا شـبع من هدته وانتي اف خير

(ي)ام العـيون المتعبه وكحلها فيك ..... خلقه ومخـطوط الكحل من تناوير

سبحان منهو صاغ هالمعجزه ذيك ..... أسود بياضك في عـيونك مخاشير

عكش(ن) هدبها حول الشمس ل إتريك ..... فلة جناح الطير في حزة (إ)عصير

والبن الاشقر زاهين بك وكاسيك ..... حمسة نشاما ف انتظار المسايير

زاد الصـباح فـ غرتك وفـ تحديك ..... ترفـعه؟ لاترفعه. الطاير يطير

لله درك وانت كـلك تهـاليك ..... دام الحـلا خــاواك من وين (م)تيسر




خالد الحجي (خالدها)

[أحلام العلوي]

اشتاق لك وافقدك وآعن وأغليك ..... عـنة عطـاشـا ضيـعوا يمة البير

خالدها ..

مبدع انت ..

لك كل الشكر

ننتظر جديد قريحتك الشعرية

[سعيد الفطيسي]

خالد الأنيق بحضوره الرائع وبجواهره الثمينة هنا

صح لسانك ملايين

سعيد الفطيسي

[عبدالله العمري]

أيش أقوول غير صح الله لسانك دايم تعد الفرايد...

صح لسانك و لا هنت

دمت سالم

[سالم الوشاحي]

خالد الحجي / دائم متميز

شكرا لهذا النص الجميل

وسأعود للأستمتع به ثانية

تقبل مروري هنا

((أبوسامي))

[أنور العلوي]

سبحان منهو صاغ هالمعجزه ذيك ..... أسود بياضك في عـيونك مخاشير

عكش(ن) هدبها حول الشمس ل إتريك ..... فلة جناح الطير في حزة (إ)عصير



صح لسانك يالشاعر .. خالدهاااا


ومافيك حيله



تقبل مروري

[خالد الحجي]

المشاركة الأصلية كتبت بواسطة أحلام العلوي

اشتاق لك وافقدك وآعن وأغليك ..... عـنة عطـاشـا ضيـعوا يمة البير

خالدها ..

مبدع انت ..

لك كل الشكر

ننتظر جديد قريحتك الشعرية

قمة الابداع تواجدك الذي اسعدني
اشكرك واعتز بمرورك
لاحرمني الله متابعتك
وابشري اخت احلام
ماهذا الا اليسير تستاهلون اكثر

[سعد بن عبدون الجنيبي]

خالدها صح لسانك وبيض الله وجهك

[هيثم العيسائي]

صح لسانك أخي الكريم هنا


سوف اكون متابع لك