توبة مناجي

[ناصر بن سالم الهاشمي]

الى كل القلوب الطاهرة

يا مرجـعٍ يوسف على أبوه في حين
يـــا الله ثباتك حــزة الضعف والنكب

ثقل رضــــا مستغفــــرك بـالموازين
وثبت قلــــوبٍ طالبــه منــــك القرب

وأستغفرك حــــزات ليــــل المقيمين
ليــــلٍ يناجــي فيــــه خــاشع ومنكب

بقدرتــك يــا باسط الرزق ومتيــــــن
انـك تفرج عـن صــدر عبــدك الكرب

وتيسـره درب التقـى خيــر ومعيــــن
عبـــدٍ طلب مـــولاه يسر لــــه الدرب

وانــك تلبي رجوتـــه لخيــــر داريــن
توبـــة مناجـــي خـــالقه بمدمـعٍ صب

واتبلغه شهرك كــريـــم المجــــــازين
وتقبل صيامــه بعفوك ورحمة الـــرب

شهرٍ تغلــل فيـــه كـــل الشياطيـــــــن
وتوصــــد مداخيـــــلٍ علـى ذاتها لهب

وتْفَتَــح الجنــات بـــاب المطيعيـــــــن
وتضاعف الحسنات سرب ورى سرب

منـــزلٍ فيـــه الهــــدى حـــقٍ مبيـــــن
فرقــــان لـلي طـــــالب الأخـــرة كسب

لــــي أولـــه رحمــــة تعم المسلميـــن
والمغفـــرة بأوسطه للصايـــم الـــذرب

والعتــق فـــي تاليــه مــن نــارٍ اتشين
ثلاث م البــاري كــــرامـــات تـــــوجب

يـــا حظ مــن صامــه وقامـــــه هلالين
واستخيــر الله عـن هــوى النفس جنب

ويــا بخت مــن زكى بأخــره صاعيـــن
كفــــر بهن عــن مــا تقـــدم مــن الذنب

لــــه فرحــة الدنيــــا بعيـــد المعيديـــن
ومـــن مدخـــل الريــــان للجنــة أقـــرب

شكرا مودتي // ناصر - راعي الدار