خذني فديتك

[عائشة السعيدي]

ايها الصرح الادبي الكرام
احببت ان انقل لكم ابيات
راقت لي كثيرا واتمنى ان
تنال باعجابكم
للشاعر الكبير حمد البريدي




خذني فديتك جعلني فدوة نظر طرفك وماه
فديت وصلك من عقب ما كان وصلك مستحيل


ياماخذٍ روح المولع فيك حاسب في شقاه
آبطيت وآنا آقلب الجمره بكفي كل ليل


من يوم ربي جابها صدفه على باب الحياه
وآنا المشقى في غرامك والمعنى والقتيل


آبلشت قلبن مستريح النفس ويحب آخوياه
طالبك طلبه لاتردى بي وآنا ماني ذليل


ياتاخذ الخفاق وتصونه يرده في حشاه
وانعلي من ضيقة الخاطر على قلب عليل


يابري حالي من تبسامك يامردوع الشفاه
آنا آسير عيون آخو سلهامة الرمش الظليل


من كبر عينك كآن حبتها متل عين الرحاه
ضاعت بها الحبه وضاع القلب وبن القى دليل


يفوح ريح الطيب في عنقك وياتيني شذاه
ولا التفت يهب ريح المسك من ذاك الجديل


ايوه الله آغليتك وسميتك هوا القلب ومناه
واخترتك آغلى الناس مابي في البشر عقبك بديل


مدام قلبي طيرك الصايد فلا تفهق عشاه
ماهو صحيح ان الغلا لذته في الشي القليل


فديت صوتك كل ماسولفت يلعبي حلاه
بحة كلامك تعزف حروفك على الضلع النحيل


وسمت قلبي بالمحبه وسم غيرك مامحاه
كآنه متل وسم العصا عند الدواسر للدخيل


اللي يقول الحب الآول من يعيشه مانساه
قله ترا قلبي محا ذكراه من يوم الرحيل


آنت آنت من غيرني وغير تفاصيل الحياه
وذوقني بحبه حلا الدنيا وطعم السلسبيل


لو كل من يسعى على مايشتهي قلبه لقاه
مالاعة نفوس المخاليق وبكت عين الخليل


ان كان قلبك ملك قلبي فاشهد ان ربي عطاه
عمري فدا شوفة عيونك لو وصالك مستحييل