((بحر الحبايب))

[مازن المعمري]

أنا يا ربعي من أذاء الحب موجوع

عوقي صعيبن في الدخاتر مصيبة

قلبي يحبه و الهوى حق مشروع

وبحر الحبايب كون وش هو يعيبه

يدري بقلبن فالحشى صار مزروع

يروى بصوته وعاااش دامه قريبه

يوقف وريدي والنبض كان مخروع

وتخرج دموعي من مشاعر غريبة

البدر يلي بشوفته الخاطر يجوع

واسير صوبه لو بقربه ضريبة

حبه نمى في مهجتي وسيس فروع

وقلبي لقلبه صار خله و نسيبه

لا قام يمشي فالصدر ترقص ضلوع

وقلبي يسافر من حياتي لجيبه

عينه تفرد فالنظر ما لها نوع

تنويم بيمغنط بنظره مريبه

امسك يديها والشهد ينزل نبوع

ويعالج الي به بلاوي عصيبه

قلبي فداها من لها الحسن هو طوع

الها على روس النساء عز هيبه

بنتن احاسيس الوله جاتها ركوع

نسى سحرها شايبن بانه شيبه

يومه لمحها بات فالخط مفزوع

كنه الحبيب الي مفارق حبيبه

سالك وهو شايب على درب ممنوع

درب الغزل لي فات عنه نصيبه

اساله يا شايب علامك من سبوع

حاير وطاير و الدواعي مريبه

جاوب وقلبه رهيف النبض موجوع

قلبي يقطع صار وده طبيبه

قال القوام الزين بالفن مصنوع

خلى مزاجي وسط حاله عجيبه

اتقول استندر من الخلف مرفوع

جاعد ملك ع الخط ما حد يجيبه

خربط حياتي وهلت العين بدموع

وبليس يلعب ف الخلايا لعيبه

خفت الفضحية ف شيبتي شي ممنوع

وتذيع أخباري الزمن والشبيبة

الشايب الي هو عمي صار موجوع

يا كيف من شافه وعينه قريبه

القلب من قبله مسى خط مقطوع

وشغل خطوطه يوم قرب حبيبه