عدّت على خير

[حمود الحجري]

المشاركة الأصلية كتبت بواسطة عبدالحميد الدوحاني

عدّت على خير ، ربك يفرج الشدّه
مشكور جرحٍ نبت لي داخل أضلاعي

عدّت عقب ماخذت صبرٍ وصل حدّه
كنت أتوقّع تجيني العاشـق الـواعي

كنت أتنفس عطر شوفتْك واااشدّه
واحبس عليه النفَس وازيّد اطماعي

وأشهق على موعد اللقيا عقب مدّه
ماكنت احسْب اللقا ناوي على ضياعي

مـع شوفتـك .. كانت الأقــلام مرتدّه
كانت تحاول عشانك تطرق اسماعي

ومع شوفتك عاد هذا القلب من قدّه
يشوفك الحب والهوجاس ، والراعي

ومع شوفتك ماعرفت الصبح وش حدّه
يقطع سوالف مجاديفك عن شواعي !!

كتـمــت هــمٍّ يخـلّـي الـروووح منهـدّه
عسى مع الوقت ، تتماشى مع أوضاعي

البارحة والنجوم تكمّـــل العـــــدّه ..
عــدّيتـها .. ليـن مـانامـت على ذراعـي

مع كل نجمٍ يجيني سهم ، واصــدّه
لين انكسر ترسي وزادت بي أوجـــــاعي

والبارحــــة .. مابقى لي شيٍّ أردّه
كل إتجـــاهــات قلبـك تطــلب وداعـي

والبـــــارحة ، جرحي اللي كلهم ضدّه
ماطــاع يعكس تجاهاته عن شراعي

من حضرتي لين أداري قلبي ونــدّه !!
ومن حضرتك تبتسم لي وتلوي ذراعي !!

وعدّت على خير ، ربّك يفرج الشدّه
ماكنت أظن بوجـــودك ينهي إبــداعي

درب السلامة ترى صبري وصل حــدّه
وش حاجتي في جروحٍ .. مالها داعي ؟؟؟

أبو عــــــــــــــوف

ابا عوف
معك نقول شكرا للجرح
ما دام بامكانه أن يهبنا هكذا شعر

والبارحــــة .. مابقى لي شيٍّ أردّه
كل إتجـــاهــات قلبـك تطــلب وداعـي

سأسحق الشدة وأقول :
عدت على خير
أهلا بك