شاركنا في الاستطلاع : اكتب بيت او بيتين من ابياتك في الغزل والهجاء والوطن والنصيحة

[عبدالله المزروعي]

الغزل
دونك ي خلي ما تباني ابــلادي
رديت دونك مــــــا لقيت بـــــلاد
عيني تبــــــاك ويرتجيك فوادي
وروحي عليك اتحن. ماشي فاد

الهجاء
لا تلوّمنــــــي دخيـــل الله
اللــــوايم مـــــالها داعي
كم حلفت وقلت لــك والله
بارق(ن) فالسحب لمّاعي

الوطن
نــــاموس ي بلاد الايوايد نــاموس
قدام ي بلادي على العـــــز قــــدام
قابوس يا حامي حمى الدار قابوس
ضرغام كلمة حق للحق ضرغــام

النصيحه
لا يغرك زمـــانك لو يطيب المسير
لو تنــــاظر دروبك ورد فــلّ وزهر
انتبه لا تفــاجأ لــــو يخون النضير
وش اتسوى بحال (ن) العفو. مندثر

والسموحه والمعذره من الجميع ع الابيات البسيطه

[مبارك سعيد الغيلاني]

مرحبا محمد وإن شاء الله بنجود بالموجود

- الغزل :
ياحلــوةٍ فاقت حـــلا كل البنات
ـ ـ ـ ـ ـ ـ ـ ـ ياشجـرةٍ عيت ثمرها تحمله
لاتبخلي إن صار فالموسم حتات
ـ ـ ـ ـ ـ ـ ـ ـ الريق ناشف المشاعر ذابله

- والهجاء :
ياجاهل التاريخ لاتلمس النار
ـ ـ ـ ـ ـ ـ لا تكشف الأوراق إقراء ظهرها
أحذر أحذرك بأنه جمرها حار
ـ ـ ـ ـ ـ ـ وأحذر إذا زادت عليك ب لهبها

- والوطن :

يادار علمك ماتسألين عنا
ـ ـ ـ ـ ـ ـ عساك ما تشكين كثرة خطانا
كل زلةً تعدك ياعمان منا
ـ ـ ـ ـ ـ ــ ـ حتى ولو غيرك تعدى خذانا
ماهيه عضيله لوتعذر وصلنا
ـ ـ ـ ـ ــ ـ ــ لابد مــن يــومٍ يحــدد لقانا

- والنصيحة:

إن ضاقت الدنيا عليك وتكدرت
ـ ـ ـ ـ ـ ـ ـ ـ وصار الأخو والأخت والكل لاهي
أمسك كتاب الله ياخوي وأبشرت
ـ ـ ـ ـ ـ ـ ـ ـ بأنك تكون أنته لهم آمــر وناهي