اقتباس:
المشاركة الأصلية كتبت بواسطة غالب الحبسي
ويش .. مشكلتك....2
وأنت ويش مشكلتك
تمشي قدامي وأشوفك مترنح
عيونك ناعسة وشفاتك ناشفة
شكلك ابد ما مصح صح
ما طبيعي أشوفك ..
كأنك في رحلة او خارج تتفسح
تضحك ..!!
غريبة .. كل هذا فرح
وليش هالفرح
لا ابد اخوي ..وليش أفرح
أنا مكتوب على ايامي ممنوع الفرح
فيني من البلاوي لكن خايف افصح
قول مشكلتك
ويا عساها بالفرج تصبح
مشكلتي اني اتعاطى هالسموم
و حياتي صارت يائسة بائسة يوم بعد يوم
ومن كل شي في الدنيا محروم
الدنيا ضيقة واجد وما فيها غير الهموم
ما صرت اعرف ايامي هاليوم يكون أي يوم
ولا عرفت اصحابي تخلو عني كلهم
لا باقي معي غير المجرمين اللي أنا مثلهم
مشكلتي أني مدمن مخدرات
من كل نوع اريد أتعاطاه
أتنفسه شّمه وشّمه وكل شوي أبغاه
مدمنه ادمان وصعب أتركه وانساه
مستعد عشانه ابيع عمري وحياتي
واتخلى عن اهلي وأولادي وممتلكاتي
صرت له مثل الكلب منخضع وذليل
لو عشانه اضحي بأغلى ما في حياتي..
لكن اني أرفض مستحيل
ومشكلتي اني ابيعه وانشره على جميع الفئات
اضيع اجيال كثيرة وأجيال كثيرة ضاعت بلحظات
والمستفيد أنا طبعا فلوس كثيرة في كل الاوقات
ضيعت اصحابي واصدقائي ورفاقي بالكوكاين
عطيتهم الحشيش ومعاه الهيروين
خليتهم مثلي بالمخدرات منتهين
المصيبة عارف النهاية والمصير الحزين
واعرف ان هذا اسوأ واصعب طريق
واخرته النار تأكل جسدي جمر يشتوي ف الحريق
أعرف اني راح اصبح جثه من الفحم
من يشوفها يظن خارجه من جهنم
ويلقوني في مكاني متفحم
او مرماي في كيس الزبالة او المردم
ما لي قيمة بين المجتمع والناس
محد يقبلني بحالتي مثل الحيوان لا خاس
مثلي المفروض يصير مثل النعل ينداس
غديت وحش كاسر لا مشاعر ولا احساس
ابكي بداخلي حرقة وتخنقني الانفاس
مشكلتي
خسرت كل شيء من حياتي واعلنت الافلاس
وانتهيت على هذه الحالة ومثلي كثير من الحالات
بدينا بشفطه ولحظة وغلطة
وانتهينا مدمنين بالمخدرات
تبي الحل لمشكلتك وتبي الرجعة
تبي تنام الليل صاحي وترجع لك السمعة
ارجع لربك بصدق المشاعر وتوب
ربك غفار وقادر وما غيره يمحي الذنوب
قلبه كبير يحب عباده
ويفرح لو عبده عن المعاصي يتوب
عود لدينك وصلاتك وكون شخص محبوب
تفتح لك الدنيا بابها
وتستقبلك بالمحبة كل القلوب
لا تفقد الأمل فقدان الأمل غير مطلوب
يمحي فيك التحدي والرغبة
وبتظل من كل شيء حتى من الإرادة مسلوب
هذا الحل لمشكلتك ...
والباقي عليك اخي ..
ومن الحين
اذا كنت صادق عليك تنفيذ المطلوب!!
( حرف )
المخدرات ..
موت مؤلم وطريقه جهنم
انتظرونا في ويش مشكلتك3 ..
وما يكتبه في محتواها القلم!!
.... من رجًل !!
- عالم عاشق السمراء
|
فعلا
االمخدرآت طريق مزخرف بالراحة فالبداية ..
ونهايته كآرثه ..
تشتت
ضياع
أجرام
وجهنم ..
لك ودي يا غالب
وسلامي لقلبك
شيماء
26-02-2011, 06:28 PM
العرض الشجري