قــــصيدتيــــــن::::::::::::::::::::::

[سالم الوشاحي]

المشاركة الأصلية كتبت بواسطة عبدالله العمري

الســلام عليكــم أحبائي

أحببت نشر قصيدتين متواضعتين لكسر الغياب وإرضاء

الغالين العاتبين علي


أتمنى القبول

لكم الود



(كافبّة المواجهة)

لا تعقد الحبل وانته عاجز(ن) فكه
ما يعقد الحبل من هو جاهل فكاكه

قلت الشعر ورث لك وتجيد في حبكه
وانك دركت الذي ما يسهل إدراكه

أثرك بقولك وضح مغرور بك ربكة
متوتر(ن) خايف(ن) والنفس شكاكه

شفتك عرقت وبعد ذا وجهـك تحكه
وشماغ راسك يميل وهمت بمساكه

وش لك بقول(ن) ترا ما مكتمل سبكه
لا هو ذهـب أو لجين وانت سباكه

وش لك تضد الخصم ويديك مشتبكة
شروا الطفـل دايم(ن) تتعمد ارباكه

حالك صعب والشعر من سبتك ببكه
لا صار ما في الشعر من يغزل شباكه

يا معتدي!!! والعزا بابه بعد صكه
وباب(ن) يجيك بغثا إنت إحكم اشراكه

إلى مكثر الهرج::::::

لو زان لـــك بعض الحــكي مكثر الهرج

إلــلــي يسـبــب لـلـمــحـبــيــن إحــــراج



لا تـحسب أقدامي على مسابـــقك عــرج

وإني رضيت الصمت واغضيت ما راج



أنــا امــتطيـلك مـهرة(ن) ما لـها ســرج

وأرفــع بــراس الــحق من فــوق الابراج



صحيح غطى الثلج لي سفوحي المــرج

لــكــن مــا رد الــثلــج يتـساقــط ادراج



مـا هــي عواقب خير لــو تكنــز الــخرج

شر(ن) كــســبــته زال لـــو يمـلـي ادراج



الصبـر في قولك تــرى مــا هــو الـفرج

لا صار بعــض الصــبر ما فيـه إفـــراج



أقفيـت انا وماني عـلى مصافحك بــرج

لا صارت عيوب المــخالــيق مـــخراج



امــا تـتوب الــيــوم أو تــكسر الــهـرح

وإلا ســوانا فـــيـك لــلــــناس تـــنراج

أستاذي العزيز عبدالله العمري كنت ابحث في المنتدى

فأعجبت بهذه القصيده الجميله التي جعلتني اقراها

مراراً وتكراراً ... أستاذي العزيز عبدالله العمري

يعجبني أسلوبك الجميل في صياغة القصيده

التي تصل للمتلقي بدون تكليف فهي واضحه

المعنى سهلة القراءه ...... تسلم أستاذي وصح

السانك وربي يعطيك العافيه