الملتقى الأدبي التاسع عشر للشباب، خصب 8-12 سبتمبر 2013 (تغطية، نصوص)

[الملتقى الأدبي]

حضرة الكل
لـ : حسام الجابري
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
سافر.. مراياك القديمة تناديك
لملم وجوهكْ يا غريب وْ ترحّلْ

ما عاد فينا شيْ يمكن يراويك
لما انمحيت وغبت في حضرة الكِلْ

ذاب الزمن..
وتكسرت من حواليك
كل الجهات
وْ شهوة الشمس
والظلْ

وحدك بقيت وْ مايْ سركْ سرى فيك
لما تفلتْ قيدك/الوهم وانْحَلْ
وْمن الأزل يجري و تجري مجاريك
في كل شيّ وْ إنتهْ الكِل و المِثلْ

وانتهْ نهاياتك وانته بداويك
دوم العوالم فيك تحيا وتذبَلْ

عينك على غيرك تصك الشبابيك
وتشوف وجهك كل حينٍ تبدّلْ

في داخلكْ بحركْ يذوّبْ مرافيك
ومخروقَة ألواحَكْ ولا بُد حَ تضلْ
غرقانْ في ذاتكْ .. و محّدْ يلاقيك
غيرك .. ومحّدْ عن غيابك بيسْأَلْ

مشغوفْ بالحِيرَةْ .. و أنثى ترابيك
تصعق رسومكْ في شهودكْ وتجْفَلْ

أنثى تحب الحب وتمحي أساميك
لا اسمْ يحوي ما بدا لكْ ولا يْدِلْ

ما بين هالعتمة و صحرا منافيك
يركض غزال وْ يصطدم فيكْ و يفِلْ
ترميك عينه للبعيد وْ تواريك
ما تدري ترحلْ وين أووين بتْحِلْ
ويفيضْ قلبكْ وجْدْ ويغيبْ طاريكْ
لا انتْ انتْ وْ لا بقى منك مقتَلْ
مفقود في عين الفراغ وْ معانيكْ
تثقب فوادك لين للموت ينسَلْ

لا حِسْ لا معنى و لا شي يساويك
لما انمحيت وغبت في حضرة الكلْ !