ذﮑړُﯾﺂﭠ ﺂﻟۆﻟﭬ ﺂﻟﻋړُﺑﯾ

[جمعه المخمري]

جاني شــــالك الـــبارح... لفاني حاملن جرحه
وفســتانك على حـــــله... معلق ومالقى راحه
تـمرين المسى يـبكي... وهناك إتمايلت طرحه
من البارح وهي تبكي... طعنها البعد وأشباحه
ترى وينك يبات العطر... وماشي غيرك يفرحه
على تسريحــتك واقف... جندي وماسك سلاحه
وصندووووق الهدايا مل... ليله جارحن صبحه
أمــــانه لاتخلينه لـــوقته... يــــشكي.. إجراحه
قلبي سكر(ن) ذايب.. فنهرك... وشلته فرحه
يموت اللي شـــــرب منه...غيرك مـالقى رباحه
يذبحه الملح وأثره... البحر ماهو... نهر ملحه
وإنتي سيدة بحري... وـنهر(ن) مابغى ملاحه
تساوت كل وجهاتك... إتجاهاتك شمس وضحه
وماجلان هالعالم... يـمك..!!!! تختفي أوضاحه
أحسبها سنين البعد... تـــمر... وماهي بمزحه
تمزحيها بغيبات(ن)... بعمرن فـــــاقد إمزاحه
جاني شالك وعطرك... خلفه تشتكي.. طـــرحه
وفستانك على شباك ... حالف يحضن ريــــاحه