استضافة السلطنة الادبية للشاعر \ علي الحارثي

[فاطمه القمشوعيه]

من روائع الشاعر\ علي الحارثي ..

نزف البراد ..

والتي يقول فيها معاتبا .. يملاؤه الحزن ...


ما يشـــــوف الجـــرح في وصلك ضماد
عللي بعـــــــدك علــــى كيــــف أشتهيتي

دام مالك غيـــــــر تجــــديـــــده بــــــلاد
ما يهم إن طــــــــال وقـــــــت وما لفيتي

شاءت أقــــــــداره تكــــــــوني له (سعاد)
ولا فهمتــــــــــــي يا ( سعاد) ولا دريتي!

غاية الجفــــــــــن الذي باع الــــــــــرقاد
وأشترى صبح الشعـــــــــور اللي طفيتي

ساهــــــــــــرك حتّى غضت عين السهاد
ولا وصـــــــــال ٍ له ولا فــــــرقى بغيتي

يعجــــــــــــزك فهمـــــــه وسيّل لك وداد
كيـــف لــــــو أنك إلــى فهمـــــه أهتديتي؟

يا بــــــــــــراد النزف يا نـــــــزف البراد
لو على كيف القصـــــــــــــايد كان جيتي!

ما بقى بالــــــــــــّدم وجــــــــــــــه ٍ للمداد
ما تيمـــــم شطـــــــــــــر وجدان ٍ دعيتي

ولا بقى للحــــــــــــــــــــزن وقت ٍ للحداد
ولا بقى للحلـــــــــــم أرض ٍ ما وطيـــتي

ما لفظَك الجفـــــــــــــن إلا بالفـــــــــــؤاد
شلتك ْبقلبـــــــــي قبل حضنـــــــي وبيتي

سافــــــــــري للقــــــــــــــرب أو للابتعاد
ما يغيّــــــــــر شــــــي في عشــق ٍ بنيتي!